Tags-Zindagi

ulfat meñ bhī sukūn kī daulat milī nahīñ
jiitā to huuñ zarūr magar zindagī nahīñ

tirī nigāh kī naqqāshi-e-hasīñ ke sivā
tū hī batā mirā mafhūm-e-zindagī kyā hai

tamām umr qafas meñ guzār dī ham ne
ḳhabar nahīñ ki nasheman kī zindagī kyā hai

chāhne vāloñ ko hī honā paḌā hai sañgsār
zinda rahne vāloñ par hī zindagī bhārī paḌī

uThā.e zindagī kā bojh baḌhtā jā rahā huuñ maiñ
tamannā-e-subuk-sārī na ehsās-e-girāñbārī

aa baso dil kī tarah ghar meñ bhī ai ḳhush-ilhān
zindagī bhar ko mirā sāz-e-tarab ban jaao

jab talak jism TuuT kar na gire
zindagī be-naqāb karte raho

ham ġham-zada haiñ laa.eñ kahāñ se ḳhushī ke giit
deñge vahī jo pā.eñge is zindagī se ham

kyā batā.eñ us ke bin kaise zindagī kar lī
dhaḌkaneñ to zinda haiñ dil ne ḳhud-kushī kar lī

zindagī tujh ko bhulāyā hai bahut din ham ne
vaqt ḳhvāboñ meñ gañvāyā hai bahut din ham ne

hazār hāthoñ se maiñ ne jis ko sambhāl rakkhā thā zindagī meñ
charāġh-bar-kaf bisāt-e-dil par khaḌī huī hai vo shaam kahnā

ham aise jāda-tarāz-e-sahrā nikal hī aate haiñ chand āḳhir
suḳhan ko uslūb-e-zindagī kā diyā hai ham ne hī naam kahnā

abhī to kuchh log zindagī meñ hazār sāyoñ kā ik shajar haiñ
unhīñ ke sāyoñ meñ qāfile kuchh Thahar ga.e be-qayām kahnā

zindagī ke hasīn tarkash meñ
kitne be-rahm tiir hote haiñ

mirī ḳhushī kā zamāna havā kā jhoñkā thā
mire ġhamoñ kī rahī zindagī darāz bahut

koī had hai tirī zarūrat kī
zindagī yuuñ mujhe zalīl na kar

dhaar par chalnā thā mujh ko kūdnā thā aag meñ
zindagī meñ ek din ye imtihāñ honā hī thā

jab ye samjhūñgā ki merī ziist hai mamnūn-e-marg
maut merī zindagī kā aasrā ho jā.egī

meñ rāz-e-zindagī kyūñkar batā.ūñ
kahāñ ye nasl kahnā māntī hai

farq kyā hai zindagī o maut meñ
uf mohabbat kī qayāmat-zā.iyāñ