Tags-Zindagi

sauñpūñ maiñ kyuuñ na apnā garebāñ ajal ke haat
ai umr zindagī se maiñ dāman-kashīda huuñ

kyuuñ hai itnī tez-rau batlā mirī umr-e-ravāñ
zindagī kī raah kā sāmān aadhā rah gayā

dil mirā jab tak kisī ke husn par maa.il na thā
zindagī meñ zindagī kā lutf kuchh hāsil na thā

sahl kar dī zindagī un kī umīd-e-dīd ne
varna un ke hijr meñ marnā koī mushkil na thā

apne jaisoñ se dostī kar lī
zindagī ham ne zindagī kar lī

abhī zindagī hasīñ hai abhī zikr-e-maut kaisā
abhī phuul khil rahe haiñ abhī to kanār meñ hai

kis zindagī ke vāste daulat kī aarzū
dekho natīja ġhaur se qārūñ ke maal kā

maiñ ne sochā thā is ajnabī shahr meñ zindagī chalte-phirte guzar jā.egī
ye magar kyā ḳhabar thī ta.āqub meñ hai ek nādīda zanjīr-e-hamsā.egī

sukūn-e-qalb na āsā.ish-e-hayāt nasīb
ye zindagī hai to is zindagī se kyā lenā

ḳharāb-e-zīst huuñ lekin tirī ḳhushī ke sivā
tire nisār mujhe zindagī se kyā lenā

ham talḳhī-e-hayāt ko āsāñ na kar sake
sahrā.ī-zindagī ko gulistāñ na kar sake

aisā chubhā hai nashtar-e-bedād-e-ārzū
ham zindagī meñ phir koī armāñ na kar sake

jaan denā kisī pe lāzim thā
zindagī yuuñ basar nahīñ hotī

ham ko na mil sakā to faqat ik sukūn-e-dil
ai zindagī vagarna zamāne meñ kyā na thā

jo hai vo kal ke savāloñ ke intizār meñ hai
ye zindagī hai ki hai raat imtihānoñ kī

bhalā vo zindagī kyā zindagī hai
ḳhushī ke saath jis meñ ġham nahīñ hai

nasīb meñ jo nahīñ thā us kī talāsh meñ zindagī lagā dī
jo haath meñ thā vo be-ḳhudī meñ diyā hai

zindagī ke parche ke
sab savāl lāzim haiñ sab savāl mushkil haiñ

sau baar masḳh ho ke bhī ta.amīr-e-zindagī
pur-nūr hai manāra-e-zau-pāsh kī tarah

baaqī hai ham se dāman-e-roz-e-jazā kī laaj
go zindagī atā huī pādāsh kī tarah