Tags-Zindagi

ek va.ade par miTā dī zindagī
ham sā dīvāna kahāñ hai āj-kal

har ghaḌī mujh ko be-qarār na kar
zindagī merī sogvār na kar

butoñ ko fā.eda kyā hai jo ham se jañg karte haiñ
ḳhafā jo zindagī se huuñ unheñ kyuuñ tañg karte haiñ

adl-o-insāf taqāzā-e-mashiyyat hī sahī
zindagī hī meñ magar roz-e-jazā kyuuñ aa.e

hameñ ma.anī ma.alūm haiñ
us zindagī ke

zindagī kabhī na jaan saktī
ham us se kiyā chāhte the

vo bhī to haiñ ki zindagī jin ke liye hai añgbīñ
zā.iqa-e-hayāt se aiñTh ga.ī mirī zabāñ

vo mātam bazm-e-shādī hai tumhārī jis meñ shirkat ho
vo marnā zindagī hai tum jahāñ ho sogvāroñ meñ

zindagī aur zindagī kī yādgār
parda aur parde pe kuchh parchhā.iyāñ

hāsil-e-zīst ishq hī to nahīñ
chashm-o-abrū hī zindagī to nahīñ

zindagī husn se ta.abīr bhī ho saktī thī
chāñdnī dasht pe tahrīr bhī ho saktī thī

ajab nasha hai tire qurb meñ ki jī chāhe
ye zindagī tirī āġhosh meñ guzar jaa.e

shab kī tanhā.ī meñ mujh ko aisā lagtā hai kabhī
maiñ huuñ rūh-e-zindagī go paikar-e-fānī meñ huuñ

zindagī puurī dasht meñ guzrī
ab to ban maut hī sarāb aa.e

isī nigāh ne maarā alam-parastoñ ko
vahī nigāh mirī zindagī sañvār ga.ī

mirī shab-e-ġham kā pūchhnā kyā ajiib pesh-e-nazar hai manzar
ye zindagī jhilmilā rahī hai ki niiñd tāroñ ko aa rahī hai

āñsuoñ meñ zarā sī hañsī ghol kar
zahr us ne diyā zindagī ghol kar

zindagī bhar jo na khaa.e Thokareñ
khol kar āñkheñ yuuñ chaltā kaun hai

jahāñ vāloñ se bartī is qadar be-gāngī maiñ ne
ki barham kar liyā apnā nizām-e-zindagī maiñ ne

kyā ifshā na rāz-e-ġham kisī par jīte-jī 'fāriġh'
baḌe sabr-o-tahammul se basar kī zindagī maiñ ne