Tags-Zindagi

ġham-e-zindagī ik musalsal azaab
ġham-e-zindagī se mafar bhī nahīñ

maiñ ne sarf kar dī hai zindagī tirī manziloñ kī talāsh meñ
tujhe DhūñDhtā na phirā kahāñ mire ishq kā tū sarāb hai

zindagī hai chashm-e-ibrat meñ abhī
kuchh nahīñ to aish-o-ishrat hī sahī

ye zindagī hai bahut kuchh yahāñ pe mumkin hai
ki kuchh na hone kā imkān thoḌī hotā hai

talḳh guzre ki shādmāñ guzre
zindagī ho to kyuuñ garāñ guzre

tum ne sochā hai ye kabhī 'afroz'
zindagī be-sabab tumhārī hai

vo jis ke ġham ne ġham-e-zindagī diyā hai 'zafar'
usī ke ġham meñ ġham-e-zindagī ko bhuul ga.e

nigāh-e-fitrat meñ dar-haqīqat vo zindagī zindagī nahīñ hai
jo dūsroñ ke na kaam aa.e vo aadmī aadmī nahīñ hai

jo qalb ko zindagī na baḳhshe nazar ko kaif-o-ḳhudī na baḳhshe
vo zauq-e-sajda hai nañg-e-sajda ibādat-o-bandagī nahīñ hai

zindagī naam hai judā.ī kā
aap aa.e to mujh ko yaad aayā

kabhī tum ne kuchh to diyā nahīñ kabhī ham ne kuchh to liyā nahīñ
hameñ zindagī se ho bahs kyā koī vāqi.a to huā nahīñ

zindagī ne jo diye ham ko sabaq
vo kahāñ pand-o-nasīhat se mile

zindagī jaisī tavaqqo thī nahīñ kuchh kam hai
har ghaḌī hotā hai ehsās kahīñ kuchh kam hai

ḳhvāhish-e-aish-o-tarab kyuuñ ho zamāne kī use
zindagī hotī rahī jis kī basar paanī meñ

rāhatoñ ke vo din jaane kab ā.eñge
zindagī dard kī tarjumāñ hai abhī

aur ho jaa.e añdherā gahrā
zindagī aur nikhar jā.eñge ham

zindagī un kī chaah meñ guzrī
mustaqil dard-o-āh meñ guzrī

haa.e vo zindagī kī ik saa.at
jo tirī bārgāh meñ guzrī

zindagī apnī ai 'shakīl' ab tak
talḳhī-e-rasm-o-rāh meñ guzrī

kuchh to latīf hotīñ ghaḌiyāñ musībaton kī
tum ek din to milte do din kī zindagī meñ