Tags-Zindagi

bahār ban ke mire har nafas pe chhā.ī ho
ajab adā se mirī zindagī meñ aa.ī ho

yā rab visāl-e-yār meñ kyūñkar ho zindagī
niklī hī jaan jaatī hai har har adā ke saath

sau zindagī nisār karūñ aisī maut par
yuuñ ro.e zaar zaar tū ahl-e-azā ke saath

tirī talāsh meñ nikle the tere dīvāne
har ek moḌ pe ḳhud apnī zindagī se mile

zindagī hai ik safar aur zindagī kī raah meñ
zindagī bhī aa.e to Thokar lagānī chāhiye

ġham-e-paiham kī zindagī bhī milī
ġham meñ ik lazzat-e-ḳhafī bhī milī

umr-bhar qist qist marte rahe
mar chuke jab to zindagī bhī milī

hū-ba-hū aap hī kī mūrat hai
zindagī kitnī ḳhūb-sūrat hai

guzar rahe haiñ ajab marhaloñ se dīda-o-dil
sahar kī aas to hai zindagī kī aas nahīñ

zindagī guzrī mirī ḳhushk shajar kī sūrat
maiñ ne dekhī na kabhī barg-o-samar kī sūrat

kabhī dil sochtā hai in tavā.if-zādiyoñ kī zindagī likkhūñ
ki jin ke roz-o-shab koThe kī chhoTī koTharī meñ malgajī sī raushnī meñ zindagī kī talḳhiyāñ chun kar guzartī

kabhī dil chāhtā hai in tavā.if-zādiyoñ kī zindagī bartūñ

jo bū-e-zindagī mujhe kiran kiran se aa.ī hai
haqīqatan vo aap hī ke pairahan se aa.ī hai

ye kaun shaḳhs mar gayā ye kis kā hai kafan kaho?
ki zindagī kī bū mujhe isī kafan se aa.ī hai

zaḳhm jo tum ne diyā vo is liye rakkhā harā
zindagī meñ kyā bachegā zaḳhm bhar jaane ke ba.ad

zindagī ke naam par ham umar bhar jiite rahe
zindagī ko ham ne paayā bhī to mar jaane ke ba.ad

kaT ga.ī be-mudda.ā saarī kī saarī zindagī
zindagī sī zindagī hai ye hamārī zindagī

kyā irādoñ se hai hāsil? tāqat-o-fursat kahāñ
haa.e kahlātī hai kyuuñ be-aḳhtyārī zindagī

ai sar-e-shorīda ab tere vo saudā kyā hue!
kyā sadā se thī yahī ġhaflat-shi.ārī zindagī

dard ulfat kā na ho to zindagī kā kyā mazā
āh-o-zārī zindagī hai be-qarārī zindagī