Tags-Zindagi

ārzū-e-zīst bhī yaañ yaañ ārzū-e-dīd hai
tū na pyārā ho to mujh ko ho na pyārī zindagī

aur murjhā.egī terī chheḌ se dil kī kalī
kar na dūbhar mujh pe ai bād-e-bahārī zindagī

yaañ to ai 'nairañg' donoñ ke liye sāmāñ nahīñ
maut bhī mujh par girāñ hai gar hai bhārī zindagī

the zindagī ke saath mohabbat ke kārobār
āḳhir kisī ke dar pe hamārā mazār thā

mashq-e-ġhaflat se tīra-bātin ne
safha-e-zindagī siyāh kiyā

zindagī chal ki zarā maut ke dam-ḳham dekheñ
varna ye jazba lahad tak hameñ le jā.egā

yahī taġhayyur to zindagī hai
abas ghule jā rahe haiñ sāhib

ai 'ashk' zindagī meñ na pūchhī kisī ne baat
ab ḳhaak chūmte haiñ hamāre mazār kī

bahut haiñ roz-e-savāb-o-gunāh dekhne ko
ki ham haiñ zindagi-e-be-panāh dekhne ko

shīshe kā aadmī huuñ mirī zindagī hai kyā
patthar haiñ sab ke haath meñ mujh ko kamī hai kyā

muqayyad dā.era-dar-dā.era hai zindagī merī
mire har chāñd ke chāroñ taraf tārīk haale haiñ

kaTe kī zindagī kaise musalsal jabr meñ rah kar
safar sahrā kā hai aur paañv meñ chhāle hī chhāle haiñ

zindagī le aa.ī ye kis moḌ par
ham sarāsar ġham kā paikar ho ga.e

zindagī jis ke dam se hai 'nāsir'
yaad us kī azāb-e-jāñ bhī hai

falsafa falsafa hī to hai bas
zindagī ke nigār ko bhī dekh

tumhāre hijr meñ kyuuñ zindagī na mushkil ho
tumhīñ jigar ho tumhīñ jaan ho tumhīñ dil ho

rakkhe hai ā.īna kyā muñh pe mere ai hamdam
ki zindagī mujhe apnī nazar nahīñ aatī

ye hai shaam mausam-e-dard kī ye hai sub.h chehra-e-zard kī
hai bahār par ġham-e-zindagī koī dil-ḳhizāñ ho to le ke aa

ḳhuun thūkegī zindagī kab tak
yaad aa.egī ab tirī kab tak