Tags-Zindagi

bujhe bujhe se haiñ ġhunchoñ kī zindagī ke charāġh
sabā se kah do chaman meñ ḳhayāl se guzre

vo jidhar bhī nazar uThāve hai
zindagī kā pata batāve hai

bekas kī aarzū meñ pareshāñ hai zindagī
ab to fasīl-e-jāñ se diyā bhī utar gayā

zindagī ḳhvāboñ kī chilman meñ yuuñ iThlātī hai
jaise sakhiyoñ meñ ghirī ho koī sharmīlī dulhan

ye har ek samt masāfatoñ meñ guñdhī paḌī haiñ jo sā.ateñ
tirī zindagī mirī zindagī inhī mausamoñ kī shamīm hai

us adā se bhī huuñ maiñ āshnā tujhe itnā jis pe ġhurūr hai
maiñ jiyūñgā tere baġhair bhī mujhe zindagī kā shu.ūr hai

maut jab tere iḳhtiyār meñ hai
mere qaabū meñ zindagī hotī

koī ilāj-e-ġham-e-zindagī batā vaa.iz
sune hue jo fasāne haiñ phir sunā na mujhe

yahī qissa hai maut-o-zindagī kā ai mire hamdam
koī apnī adā.eñ dil-rubā ke ruḳh dikhātā hai

zindagī āzāda-rau bahr-e-haqīqat be-kanār
mauj aatī hai to baḌhtā hī chalā jaatā huuñ maiñ

aaj āġhosh-e-tamannā thī shanāsā-e-visāl
razm-gāh-e-zindagī meñ tāza-dam aatā huuñ maiñ

tumhārī shah pe falak kī to Thaan lī hai magar
ye zindagī kī kahīñ āḳhirī uḌaan na ho

sau milīñ zindagī se sauġhāteñ
ham ko āvārgī hī raas aa.ī

be-samt zindagī mirī be-samt hī rahī
manzil kā har nishān uḌā le ga.ī havā

hir ḳhār-o-ḳhas se vaz.a nibhāte rahe haiñ ham
yuuñ zindagī kī aag jalāte rahe haiñ ham

hai aur hī kārobār-e-mastī
jī lenā to zindagī nahīñ hai

khulī havā kī fasīloñ meñ zindagī hai asiir
fareb-e-rañg se māhaul ko basā na sakī

razā tulū-e-sahar tak hai zindagī shab kī
ye baat ahl-e-sitam kī samajh meñ aa na sakī

kufr o ḳhirad ko raas na aa.egī zindagī
jab tak junūñ hai mish.al-e-insāñ liye hue

dariyā-e-zindagī kā nahīñ koī e'tibār
jo so gayā vo Duub gayā jāgte raho