English
Favourite
Favourite
UrduShayarUrduShayar
Expand menu
Sign inAccount

Tags-Zindagi

zindagī se ho be-zār 'fānī' is se kyā hāsil
maut ko manā loge jaan se ḳhafā ho kar
Ghazal
 ishq ishq ho shayad husn mein fana ho kar
bachā kar tum use gullak meñ rakkho
hameñ to zindagī ko ḳharchanā hai
Ghazal
 sabhi sadiyon ko mil kar sochna hai
lafz jab utrā mirī āñkheñ munavvar ho ga.iiñ
lafz 'ahmad' zindagī se rābte kī Dor hai
Sher
 lafz jab utra meri aankhen munawwar ho gain
jo sakūñ na raas aayā to maiñ ġham meñ Dhal rahā huuñ
ġham-e-zindagī se kah do ki maiñ ruḳh badal rahā huuñ
Ghazal
 jo sakun na ras aaya to main gham mein Dhal raha hun
vahī azm-e-mustaqil hai rah-e-zindagī meñ 'aḳhtar'
na ġham-e-shikasta-pā.ī na maiñ haath mal rahā huuñ
Ghazal
 jo sakun na ras aaya to main gham mein Dhal raha hun
thā mere paas ghaTtī huī zindagī kā rañj
aur ek lambī ḳhvāhish-e-duniyā thī mere paas
Ghazal
 rah-e-safar mein chiz koi kya thi mere pas
zindagī bhī kisī bāzār kī aurat kī tarah
na biyāhe kī huī aur na kañvāre kī huī
Ghazal
 dekhte dekhte jab maut sitare ki hui
tumhāre bas meñ nahīñ mere zaḳhm kā marham
maiñ zindagī ke haqā.eq kī choT sahtā huuñ
Ghazal
 yagangi mein bhi dukh ghairiyat ke sahta hun
apnā nafas nafas hai ki sho.ala kaheñ jise
vo zindagī hai aag kā dariyā kaheñ jise
Ghazal
 apna nafas nafas hai ki shoala kahen jise
har ik ajnabī se pata pūchhte haiñ
tujhe zindagī ham kahāñ chhoḌ aa.e
Ghazal
 tabahi ka apni nishan chhoD aae
kuchh un ke rahm pe thī yuuñ hī zindagī mauqūf
ki un ko rāz-e-mohabbat bhī ho gayā ma.alūm
Ghazal
 na ibtida ki KHabar hai na intiha malum
ye zindagī kī hai rūdād-e-muḳhtasar 'fānī'
vajūd-e-dard musallam ilaaj nā-mālūm
Ghazal
 na ibtida ki KHabar hai na intiha malum
mujhe zindagī ne diyā kuchh nahīñ
magar mujh ko us kā gilā kuchh nahīñ
Ghazal
 mujhe zindagi ne diya kuchh nahin
na ġhurūr hai ḳhirad ko na junūñ meñ bāñkpan hai
ye mizāj-e-zindagī to baḌā hausla-shikan hai
Ghazal
 na ghurur hai KHirad ko na junun mein bankpan hai
mahsūs bārhā ye huā hai ki zindagī
ik barf kī Dalī hai kaf-e-barshgāl par
Ghazal
 kitni saza mili hai mujhe arz-e-haal par
zindagī chāhiye jañgal meñ bhī kuchh ḳhauf nahīñ
ai junūñ sher kā āḳhir kabhī ghar thā apnā
Ghazal
 qadr-dan koi na asfal hai na aala apna
nūr-o-nik.hat kī ye barsāt kahāñ thī pahle
zindagī itnī hasīñ raat kahāñ thī pahle
Ghazal
 nur-o-nikhat ki ye barsat kahan thi pahle
un kī badmast nigāhoñ kā karam hai ai dil
zindagī bazm-e-ḳharābāt kahāñ thī pahle
Ghazal
 nur-o-nikhat ki ye barsat kahan thi pahle
ehtimām-e-zindagī se haiñ ye sab naqsh o nigār
varna ghar kuchh bhī nahīñ dīvār-o-dar kuchh bhī nahīñ
Ghazal
 ek KHala sa hai jidhar dekho idhar kuchh bhi nahin
hai malūl mujh se duā-e-maut ki saath us kā na de sakā
mire rāste meñ jo aa ga.ī yahī zindagī yahī zindagī
Ghazal
 hai ajib chiz ma-e-junun kabhi dil ki pyas nahin bujhi
Top Urdushayar.com