Tags-Zulf

ye bhīnī bhīnī sī mast ḳhushbū ye halkī halkī sī dil-nashīñ bū
yahīñ kahīñ terī zulf ke paas koī parvāna jal rahā hai

dil us kī tār-e-zulf ke bal meñ ulajh gayā
suljhegā kis tarah se ye bistār hai ġhazab

shāḳhsāne hazār nikleñge
jo gayā us kī zulf kā ik taar

mire haath par khele haiñ af.ī-e-zulf
ye saañp āstīnoñ ke paale hue haiñ

vo yaad aatā hai aalam vasl kī shab kā vo ārā.ish
vo kahnā chhū na is dam zulf kā halqā bigaḌtā hai

dil-bastagī sī hai kisī zulf-e-dotā ke saath
paalā paḌā hai ham ko ḳhudā kis balā ke saath

le gayā ḳhat jo kabūtar kī tarah tā.ir-e-dil
zulf ke jaal meñ phañste hī girah-bāz huā

ai shā.irān-e-qaum zamāna badal gayā
par misl-e-zulf-e-yār tumhārā na bal gayā

kyuuñ na tashbīh use zulf se deñ āshiq-e-zār
vāqa.ī tūl-e-shab-e-hijr balā hotā hai

bāñdheñge kisī aur hī joḌe kā tasavvur
sar dhyān meñ us zulf ke maarā na kareñge

ham un kī zulf se saudā jo vaam lete haiñ
to asl o suud vo sab daam daam lete haiñ

kūcha-e-zulf meñ gayā jab dil
barg-e-sumbul kuuñ zād-e-rāh kiyā

halqa-e-vāz se ab tak hai gurezāñ duniyā
halqa-e-zulf madār-e-do-jahāñ hai ki jo thā

Dhal na jaa.e kahīñ ye husn-e-suḳhan ai 'anvar'
dil ye kahtā hai ki is zulf-e-girah-gīr meñ aa

vahshat meñ yaad aa.e hai zanjīr dekh kar
ham bhāgte the zulf-e-girah-gīr dekh kar

saudā.iyān-e-zulf meñ kuchh to laTak bhī ho
jannat meñ jā.iye to pareshān jā.iye

zulf-e-pareshāñ raaz kī juuyā bād-e-sabā yaksar ġhammāz
baat tirī ḳhalvat tak pahuñchī ham vahshī āvāroñ kī

dekh kar gaal tire zulf ke halqe se huī
matl.a-e-sub.h-e-vatan shām-e-ġharībāñ mujh ko

latmoñ se bahr-e-husn ke hai zulf kā ye rañg
lahroñ meñ jaise phirtī ho nāgin bahī bahī