Tags-Zulf

ḳhushbū kī sā.atoñ ke talabgār kaun haiñ
is zulf-e-mushk-bū ke giraftār kaun haiñ

āshiq-e-haq haiñ hamīñ shikva-e-taqdīr nahīñ
pech-e-qismat kā kam-az-zulf-e-girah-gīr nahīñ

halqoñ se us kī zulf ke ruḳhsār hai ayaañ
'tābāñ' jathe meñ dekho haiñ kyā māh-tābiyāñ

kis kā dil zulf se bhāgā ki 'asad'
dast-e-shāna ba-qazā bāñdhte haiñ

us zulf pe phabtī shab-e-dījūr kī sūjhī
andhe ko añdhere meñ baḌī duur kī sūjhī

ātish-e-ishq zulf-e-pechāñ hai
haDDiyoñ se dhuāñ nikaltā hai

vaqt aayā to ḳhuun se apne dāġh-e-nadāmat dho leñge
sāya-e-zulf meñ jāgne vaale sāya-e-dār meñ so leñge

kūcha-e-zulf meñ jaate hue dil Dartā hai
har qadam par hai na.ī ḳhauf-o-ḳhatar kī sūrat

dil-nashīñ āñkhoñ meñ furqat-zada kājal royā
shāḳh-e-bāzū ke liye zulf kā bādal royā

abrū-e-ġhilmāñ hai vo mehrāb-e-dar
zulf-e-hūrā saaya hai dīvār kā

darāzi-e-shab-e-hijrāñ se mujh ko ḳhauf na thā
kisī kī zulf-e-pareshāñ hai dekhiye kyā ho

kūcha-e-zulf se Taltā hī nahīñ
dil ko sakta bhī hai saudā hī nahīñ

kuchh der meñ bādal barseñge kuchh der meñ sāvan jūmeñge
tum zulf yuuñ hī lahrā.e raho mausam meñ sanak aa jā.egī

ishq-e-butāñ meñ jab dil uljhā diin kahāñ islām kahāñ
vaa.iz kaalī zulf kī ulfat sab ko raam banā.egī

dām-e-balā se dekhiye kyūñkar najāt ho
kab tak vo ham ko zulf kī galiyāñ jhakā.eñge

kar diyā zulf-e-pareshāñ sā pareshāñ mujh ko
dasht meñ chhoḌ gayā hai dil-e-nādāñ mujh ko

mire hāl-e-pareshāñ kī hikāyat
sanam ke zulf ke har taar suuñ pūchh

phir mirā zehn hai uljhā uljhā
phir tirī zulf ke ḳham yaad aa.e

shabān-e-hijrāñ darāz chuuñ zulf o roz-e-vaslat chuuñ umr-e-kotāh
sakhī piyā ko jo maiñ na dekhūñ to kaise kāTūñ añdherī ratiyāñ

dil dene kī haqīqat ham ḳhuub jānte haiñ
hai ġham kisī kā us ko jo zulf laT rahī hai