Tags-Zulf

mat pūchh us kī zulf kī uljheḌe kā bayān
ye merī jaan ke liye janjāl hai so hai

kyūñke hāsil ho muj ko jam.iyyat
zulf terī qarār khotī hai

ātish-e-rañg-e-hinā-o-zulf-e-pechāñ dekhiye
aag talvoñ meñ lagī niklā dhuāñ bālā-e-sar

ba-rañg-e-zulf pareshāñ vo mauj-hā-e-ravāñ
ki jin kī yaad meñ rātoñ ko fikr-e-ḳhvāb nahīñ

dev mujhe laakh daam kī jāgīr
zulf kholo baḌī ri.āyat hai

dil shikanje meñ na Daalo merā
zulf ko gūñdh banāyā na karo

phirte haiñ āftāb-zada kā.enāt meñ
ham par kisī kī zulf ke ehsāñ kabhī na the

pech mujh par paḌe jo paḌnā ho
zulf-e-ḳhamdār kā ḳhudā-hāfiz

hai mashām-e-shauq mahrūm-e-shamīm
zulf-e-ambar-bār kī bāteñ kareñ

ye zulf-bar-dosh kaun aayā ye kis kī aahaT se gul khile haiñ
mahak rahī hai fazā-e-hastī tamām aalam bahār sā hai

zulf us kī siyāh nāgin hai
maar rakhtī hai jis ko Dastī hai

asar zulf kā barmalā ho gayā
balāoñ se mil kar balā ho gayā

mizha pe hotā hai raushan charāġh-e-tanhā.ī
asīr-e-zulf agar anjuman se jaatā hai

saudā-e-zulf-e-ḳhūbāñ rakhtā huuñ dil meñ daa.im
zanjīr-e-āshiqī kā dīvāna ho rahā huuñ

kaan rakh kar vo mire naale sune
zulf dūd-e-shola-e-fariyād ho

dil to behāl huā goī naman sargardāñ
zulf-e-pur-pech ke chaugān le maidān meñ aa

dil us kī zulf ke pechoñ meñ 'hātim' uljhā hai
rakhe nahīñ hai mirā said daam o shust se kaam

zulf-e-dilbar le ga.ī dil ghaat se
maiñ to be-dil ho rahā huuñ raat se

yahāñ to zaḳhm ke pahre biThā.e the ham ne
shamīm-e-zulf yahāñ kaise bāryāb huī

likhā jo mushk-e-ḳhatā zulf ko to bal khā kar
kahā ḳhatā kī jo ye harf-e-nā-savāb likhā