Tags-Zulf

qaidī-e-zulf kī qismat meñ hai ruḳhsār kī sair
shukr hai baaġh bhī hai murġh-e-giraftār ke paas

jhoñke chale havā ke pareshāñ huī vo zulf
ḳhushbū tamām phailī hai mushk-e-ḳhutan luTā

ye bhī qaidī ho gayā āḳhir kamand-e-zulf kā
le asīroñ meñ tire 'āzād' shāmil ho gayā

tirī aarzū tirī justujū meñ bhaTak rahā thā galī galī
mirī dāstāñ tirī zulf hai jo bikhar bikhar ke sañvar ga.ī

DhūñDā terī zulf kā saayā bhuul huī sharminda huuñ
pyāsā man thā dhokā khāyā bhuul huī sharminda huuñ

aabla ḳhār-e-sar-e-mizhgāñ ne phoḌā saañp kā
selī-e-zulf-e-rasā ne kallā toḌā saañp

saañp ke kaaTe kī lahr aa.e jo vasf-e-zulf meñ
'bahr' ne phir to koī mazmūñ na chhoḌā saañp kā

zulf-e-kaj-raftār kī kab chaal chal saktā hai vo
aisī Thokar khaa.e sar ban jaa.e roḌā saañp kā

āshiq-e-zulf-e-siyah ko is tarah ta.azīr do
saañp kī rassī banāo aur koḌā saañp kā

hai qadam us kā havā par paañv us kā ḳhaak par
zulf ke mushkī ko kab paatā hai ghoḌā saañp kā

bār-e-firaunī pe terī zulf agar bāñdhe kamar
azhdar-e-mūsā ke tausan par ho kuuḌā saañp kā

kyūñki farba na nazar aave tirī zulf kī laT
joñk sī ye to mirā ḳhuun hī pī jaatī hai

shikan-e-zulf-e-ambarīñ kyuuñ hai
nigah-e-chashm-e-surma sā kyā hai

chehra bujhā bujhā sā pareshān zulf zulf
allāh dushmanoñ ko bachā.e vabāl se

kyuuñ zulf kā bosa mujhe lene nahīñ dete
kahte haiñ ki vallāh pareshāñ na kareñge

naval mukh suhe husn kā phūlban
nayan mrig hor zulf us phañd hai

piyā ke nayan meñ bahut chhand hai
o vū zulf meñ jiiv kā ānand hai

yuuñ ḳhāk-basar mujh ko na karnā thā jahāñ meñ
ai yaar tirī zulf-e-pareshāñ se gilā hai

zulf ne naqd-e-dil kiye haiñ jam.a
ab to ye saañp koḌyālā hai