Tags-Zulf

ġhaznavī huuñ aur giraftār-e-ḳham-e-zulf-e-ayāz
but-shikan huuñ aur dil meñ but-kada rakhtā huuñ maiñ

zulf-kūchoñ meñ shāna-kush ne tire
kitne hī pech-o-tāb beche haiñ

ḳhayāl-e-zulf meñ chhā.ī ye tīrgī shab-e-hijr
ki ḳhāl-e-chehra-e-zaḳhmī charāġh-e-ḳhāna huā

yā hameñ zulf ke saa.e hī meñ niiñd aatī thī
yā mayassar kisī dīvār kā saayā bhī nahīñ

aksar ḳhayāl-e-zulf se TuuTā sukūt-e-shab
zanjīr ab nahīñ hai to jhankār bhī nahīñ

kyā kyā dikhātī hai alam kyā kyā rakhe hai pech-o-ḳham
aahoñ kī shorish is taraf zulf-e-musalsal us taraf

zulf dupaTTa dhānī maiñ kar ke pinhāñ mirā dil bāñdh liyā
said na khāve kyūñ-kar jal jab sabze meñ pinhāñ daam kiyā

kaalī kaalī ghaTā meñ chhā.ī haiñ
aa.iye zikr-e-zulf-e-yār kareñ

giraftārān-e-dām-e-zulf-e-pechāñ
bahut āzād hone jā rahe haiñ

abhī dil jam.a hai ai shāna kar jaldī surāġh is kā
mabād us zulf-e-mushkīñ meñ pareshāñ ho ke mil baiThe

mere ham-suḳhan mire ham-zabāñ baḌe ḳhush-gumāñ baḌe ḳhush-bayāñ
koī ḳhvāhishoñ kā ġhulām hai koī zulf-o-ruḳh kā asiir hai

zulf-e-shab-rañg kī ghanghor ghaTā se chhan kar
paḌ rahī hai kisī chehre pe tabassum kī phuvār

jhilmilāte haiñ sitāre ki diye julte haiñ
kuchh ujālā sā tirī zulf-e-girah-gīr meñ hai

kyā ḳhāma likh sake sifat-e-zulf-e-mushk-bār
shore ke bhī hue haiñ kahīñ mushk-bū qalam

har kisī zulf meñ rahā uljhā
dām-e-ulfat se dil rihā na huā

zulf-o-ruḳh ke sahar-o-shām se aage na baḌhī
āshiqī rahguzar-e-ām se aage na baḌhī

ye zulf-o-ruḳh-e-yār hai ai shaiḳh o barahman
billāh yahāñ kufr aur islām hamārā

bai.at kā irāda hai tire silsile meñ juuñ
shāna hai ab ai zulf-e-siyah-fām hamārā