Tags-Zulf

zulf kā dilrubā kī aaj ḳhayāl
dil kuuñ qaid-e-farañg hai yaaro

ḳhayāl-e-zulf-e-siyah meñ bahā kiye aañsū
bañdhā rahā mire rone kā taar saarī raat

jab se dekhā hai khetoñ meñ maiñ ne zālim dhuup kā ruup
tab se terī zulf kā saaya duur bahut hī duur huā

haañ merī ye uljhan to har dil meñ khaTaktī hai
kuchh muḌ ke koī zulf-e-barham se nahīñ kahtā

jiyeñge jo vo dekheñge bahāreñ zulf-e-jānāñ kī
sañvāre jā.eñge gesu-e-daurāñ ham nahīñ hoñge

shāna-e-yār pe bikhrī to nahīñ zulf-e-darāz
har koī ḳhānumāñ bar-dosh nazar aatā hai

jab suuñ dekhā huuñ us kī zulf-e-darāz
tab suuñ mujh fikr meñ rasā.ī hai

mere junūñ ko zulf ke saa.e se duur rakh
raste meñ chhāñv pā ke musāfir Thahar na jaa.e

kamar-e-yār ke mazmūn ko bāñdho 'ātish'
zulf-e-ḳhūbāñ sī rasā tum ko tabī.at dī hai

zulf-e-mushkīñ kā jo is shoḳh ke dhyān aatā hai
zaḳhm se sīna-e-majrūh kā char jaatā hai

kis tarah jā.eñge māne.a hai hameñ ḳhauf-e-mizāj
zulf pur-ḳham hai to kuchh vo bhī pareshāñ hoñge

zulf-e-siyāh se ruḳh-e-tābāñ kā husn hai
kahte ho jis ko dev haqīqat meñ huur hai

na koī ashk na baazū na koī zulf nasīb
koī masraf nazar aayā nahīñ is shāne kā

ab kisī barhamī-e-zulf kā charchā na karo
log apne ko giraftār samajh lete haiñ

chheḌ kar jab bhī kisī zulf ko tū aatī hai
ai sabā ham tirī raftār samajh lete haiñ

zulf-e-pechāñ tirī zanjīr banegī kab
kab amal meñ mirī aa.egī giraftārī

ai dast-e-mashāta tuuñ jab señ pahūñchā hai us zulf-e-mushkīñ kī shāna-e-kashī kuuñ
āshiq kī aahoñ ke in saaf rishtoñ meñ girhāñ haiñ uñglī kī poroñ kī mānind

dil kuuñ hotī hai sajan betābī
zulf kuuñ haath lagāyā na karo

husn aatā hai ashyā meñ mauqa se mahal se
har mār-e-siyah-zulf dil-āvez bahut hai