Tags-Zulf

dil kī chorī meñ jo chashm-e-surma-sā pakḌī ga.ī
vo thā chīn-e-zulf meñ ye be-ḳhatā pakḌī ga.ī

zulf se jakḌā pahle to dil phir us kā tamāsha dekhne ko
nazroñ kā us par sehr kiyā aur kar ke divānā chhoḌ diyā

kotāh ḳhāl-e-rū-e-munavvar hai kis qadar
kitnī hai zulf-e-yār rasā kuchh na pūchhiye

nik.hat jo tirī zulf-e-mo.ambar se uḌī hai
kab ḳhuld meñ ḳhushbū vo gul-e-tar se uḌī hai

taish-zanī meñ ye aqrab hai kaalā hai vo kunDlī maare
hazrat-e-dil baaz aao na chheḌo kaan kā baalā zulf kā halqa

donoñ tere aariz par din raat mile ye rahte haiñ
ainak-e-mahr-o-māh na kyuuñ ho kaan kā baalā zulf kā halqa

kyūñki 'nasīr' arbāb-e-suḳhan tahsīñ na kareñ sun kar ye ġhazal
jabki tum is sūrat se bāñdho kaan kā baalā zulf kā halqa

aaj sivā.e shāne ke yaañ kis kā muñh hai kaun hai aisā
chhoḌe tumhāre chehre par jo kaan kā baalā zulf kā halqa

aaj zuleḳhā gar yahāñ hotī dām-e-kamand-o-chāh meñ phañstī
dekh mire yūsuf kā azīzo kaan kā baalā zulf kā halqa

āhū-e-dil aur tā.ir-e-jāñ ke haq meñ ye donoñ phande haiñ
ham ko dikhā kar tum na chhupāo kaan kā baalā zulf kā halqa

ye tire ruḳh ke bose leñ aur tarseñ mirī āñkheñ ai vaa.e
dekh ke kyuuñ rashk aa.e na mujh ko kaan kā baalā zulf kā halqa

hāla-e-mah pahuñche hai nuh us ko nai ḳhat-e-sāġhar us ko lage hai
ā.īna tum le kar dekho kaan kā baalā zulf kā halqa

kis ko hisār-e-husn kahūñ maiñ kis ko ḳhat-e-parkār kahe dil
muñh se ulaT burqā ko dikhā do kaan kā baalā zulf kā halqa

ġharq na kar dikhlā kar dil ko kaan kā baalā zulf kā halqa
bahr-e-husn ke haiñ ye bhañvar do kaan kā baalā zulf kā halqa

udaas raat ke gudāz jism ko TaTol kar
kisī kī zulf-e-sāya-dār kī girah meñ ghar karo

zulf khole hue aa.e ho saf-e-mātam meñ
ḳhuub sūjhā amal-e-radd-e-balā mere ba.ad

zulf khole hue rote haiñ vo pā.īn-e-mazār
jazb-e-ulfat ne baḌā kaam kiyā mere ba.ad

zulf tak go na pahuñchā shāna-vār
haath ko par umīd-vārī hai

tāb-e-zanjīr nahīñ hai dil ko
zulf-e-pechāñ ko sajā kar rakhiye

laḳhlaḳha kī evaz us zulf kī bū sūghuñgā
hai tap-e-ishq meñ saudā mujhe sarsām nahīñ