Tags-Baam

jab tak rahte haiñ āñgan meñ hañgāme tanhā.ī ke
ḳhāmoshī ke saa.e bām-o-dar se bāhar rahte haiñ

har bām-o-dar se ek ishāra hai roz-o-shab
ne maiñ vafā ko chhoḌ sakā ne vafā mujhe

pahuñchā diyā hai dam meñ lab-e-bām-e-yār tak
qaa.il haiñ ham to apnī kamand-e-ḳhayāl ke

thī mashvarat kī ham ko basānā hai ghar nayā
dil ne kahā ki mere dar-o-bām Dhā.iye

hazār haif yahāñ chhat se lag ga.iiñ āñkheñ
vahāñ vo shoḳh lab-e-bām se nahīñ vāqif

phir ek saaya dar-o-bām par utar aayā
dil-o-nigāh meñ phir zikr chhiḌ gayā us kā

mujhe rahne ko vo milā hai ghar ki jo āfatoñ kī hai rahguzar
tumheñ ḳhāksāroñ kī kyā ḳhabar kabhī nīche utre ho baam se

dīvār-o-dar-o-bām kī vīrānī ne akasr
ro ro ke kahī mausam-e-rafta kī kahānī

bām-o-dar TuuT ga.e bah gayā paanī kitnā
aur barbād karegī ye javānī kitnā

charāġh ho gayā bad-nām kuchh ziyāda hī
ki jal rahā thā sar-e-bām kuchh ziyāda hī

na jaane kitnī sham.eñ gul huiiñ kitne bujhe taare
tab ik ḳhurshīd itrātā huā bālā-e-bām aayā

tamām ḳhalq meñ rahtī hai dhuup rātoñ ko
vo mehr baam se jab tak utar nahīñ aatā

chehroñ ke chāñd raakh hue baam bujh ga.e
kuchh bhī bachā na hasrat-e-dīdār ke sivā

shitāb aa ai mah-e-īsā-nafas tū
ki ḳhurshīd-e-kanār-e-bām huuñ maiñ

haq-mehr kitnā hogā batāyā nahīñ gayā
shahzādiyoñ ko baam par laayā nahīñ gayā

laraztī chhat shikasta bām-o-dar se baat karnī hai
mujhe tanhā.ī meñ kuchh apne ghar se baat karnī hai

ik manzar-e-kināra-e-bām aur de gayā
partav sā koī us ke dar-bāz se uThā

suḳhan-e-'ārzū' chaman-e-ārzū ḳhutan-e-ārzū adn-e-ārzū
ye dur-e-be-sadaf qamar-e-bā-sharaf na tah-e-ḳhāna thā na sar-e-bām thā

is baam se niklegā tire husn kā ḳhurshīd
is kunj se phūTegī kiran rañg-e-hinā kī