Tags-Baam

jaane zindāñ ke dar-o-bām kā andāz hai kyā
na.ara-zan aa.e jo akasr ga.e ḳhāmoshī se

us ke va.ade pe naaz the kyā kyā
ab dar-o-bām se nadāmat hai

malāl jī pe na yuuñ ek chārāgar ne liyā
asar jo merī udāsī kā bām-o-dar ne liyā

ham-safar laakh mirī raah kā patthar bhī bane
phir bhī zehnoñ ke dar-o-bām pe lahrāyā huuñ

bujhā kar saarī ḳhushiyāñ bām-o-dar kī
maiñ ik vīrān ghar meñ so rahī huuñ

'zeb' ke mar jaane kī to ye umr na thī
Duub gayā sūraj bālā-e-bām hī kyā

be-takallufāna aa sāda-lauh logoñ meñ
rañg-āshnāoñ meñ jashn-e-bām kar lenā

dil mahv-e-tamāshā-e-lab-e-bām nahīñ hai
paiġhām ba-andāz-e-paiġhām nahīñ hai

koī sard havā lab-e-bām chalī
phir ḳhvāhish-e-be-anjām chalī

bām-e-ummīd se palTī huī nākām duā
bāryābī kā koī aur hunar māñge hai

tuur vaalo se lab-e-bām haiñ aane vaale
dekheñ laḌtī haiñ nigāhoñ se nigāheñ kyūñkar

gudgudāne nahīñ aatī haiñ sar-e-bām tumheñ
arsh par kheltī haiñ jā ke ye aaheñ kyūñkar

baam par chāñd thā magar phir bhī
chāñdnī meñ jamāl kis kā thā

koī to guñg rah gayā kisī ko saañp Das gayā
ki baam chup hai dar khulā paḌā hai ghar ḳhamosh hai

mehr az-rū-e-muallā jo lab-e-bām aayā
dekhiye dekhiye ab dhuup ga.ī ghaam aayā

kyuuñ na ho baam pe vo jalva-numā tīsre din
maah bhī chhup ke nikaltā hai dilā tīsre din

phir koī shakl baam pe aa.e nazar kahīñ
phir rahguzr-e-ām meñ rusvā koī to ho

na vo ghar rahā na vo bām-o-dar na vo chilmaneñ na vo pālkī
magar ab bhī merī zabāñ pe hai vahī dāstāñ sin-o-sāl kī

ḳhayāl-e-tausī.a o rif.at-e-bām-o-dar kī ḳhvāhish bajā hai lekin
makān kā bojh sah sakegī binā-e-nā-pā.edār kab tak

ho jā.eñge bastī ke dar-o-bām munavvar
sūraj abhī chamkegā darīchoñ se nikal kar