Tags-Badan

badan kī dhuup ne vo haal kar diyā hai ki maiñ
ridā-e-sāya-e-ashjār DhūñDne niklā

koī to saa.at guzre jis meñ do tahzībeñ vasl kareñ
khīñch luuñ maiñ zunnār badan par bāñdh le tū ehrām mirā

us gul-badan ke kākul-e-pur-pech kā ḳhayāl
zunnār mujh gale kā huā haar kī qasam

kamāl jitnā bhī hai aag ke badan meñ hai
dhuāñ dhuāñ hai dhueñ meñ kamāl thoḌī hai

māñgte tujh se nahīñ ai gul-badan kuchh aur ham
hai agar taufīq tum bose do nām-e-rab ke do

is badan kā tilism TuuTe to
phuul kī tāzgī ko samjhūñgī

maiñ apnā dard kisī aur se kahūñ kaise
mire badan pe koī zaḳhm-e-mo'atabar bhī nahīñ

ik ham hī nahīñ ābla-pā dasht-o-daman meñ
aate haiñ nazar ḳhāk-basar lāla-badan bhī

zamīñ kā dard be-badan bhī ho ke apne dil meñ thā
tabhī to khiñch ke aa ga.e the varna āsmāñ meñ ham

mauj meñ aate hī lag jaatī hai hoñThoñ pe badan kī miTTī
aur is zā.iqa-e-ġhair se sab merā mazā jaatā hai

'farhat-ehsās' ne dekhā hai falak par kahīñ ik ḳhitta-e-ḳhvāb
bech Daalī hai tamām arz-e-badan us ne sunā jaatā hai

ruuh ko ruuh se milne nahīñ detā hai badan
ḳhair ye biich kī dīvār girā chāhtī hai

utrī huī hai dhuup badan ke hisār meñ
qurbat ke fāsloñ kā safar kāTne ke ba.ad

jahāñ pe dafn hai us ke badan kā tāj-mahal
udhar darīche rakheñgī imārateñ saarī

badan baiThā hai kab se kāsa-e-ummīd kī sūrat
so de kar vasl kī ḳhairāt ruḳhsat kyuuñ nahīñ karte

nekiyāñ bāñTte rahne kī sazā lāzim hai
paara paara hai badan kū-e-jazā ke us paar

tumhāre saath jis dam tan-badan bārish meñ bhīgā
lahū ban kar ragoñ meñ thā ravāñ paanī hī paanī

mire qarīb jo koī gul-e-badan mahkā
to aa.ī yaad koī ḳhush-gavār guzrī bahār

ḳhvāhish-e-sīm-badan se huā vahshat kā nuzūl
nashsha-e-jism ne kyā kar dī lahū kī sūrat

badan ke gumbad-e-ḳhasta ko saaf kyā kartā
tire jahāñ meñ na.e inkishāf kyā kartā