English
Favourite
Favourite
UrduShayarUrduShayar
Expand menu
Sign inAccount

Tags-Bahaar

ai sabā kah bahār kī bāteñ
is but-e-gul-ezār kī bāteñ
Ghazal
 ai saba kah bahaar ki baaten
ye dil ki zard paḌā thā ka.ī zamānoñ se
maiñ terā naam liyā aur bahār aa ga.ī hai
Sher
 ye dil ki zard paDa tha kai zamanon se
fasl-e-bahār aa.ī hai paimāna chāhiye
bulbul ke saath nāra-e-mastāna chāhiye
Ghazal
 fasl-e-bahaar aai hai paimana chahiye
terī āñkheñ surūr kā mandir
terī zulfeñ bahār kā maskan
Nazm
 ek clerk laDki
bahār aa.e to ḳhud hī laala o nargis batā deñge
ḳhizāñ ke daur meñ dilkash gulistānoñ pe kyā guzrī
Ghazal
 bayabanon pe zindanon pe viranon pe kya guzri
na.ī bahār kī ḳhushiyāñ nasīb hoñ lekin
nishāniyāñ ga.e mausam kī bhī rakhe rahnā
Ghazal
 sabhi andhere sameTe hue paDe rahna
gul-badan gul-ezār aa jaao
jā rahī hai bahār aa jaao
Ghazal
 gul-badan gul-ezar aa jao
mujhe rah rah ke yaad aatā hai
vahī mausam bahār maazī kā
Ghazal
 bhul jaunga pyar mazi ka
ye bayābāñ ye shab-e-māh ye ḳhunkī ye havā
ai ḳhizāñ tujh ko bhī andāz-e-bahār aa hī gayā
Ghazal
 aisi nind aai ki phir maut ko pyar aa hi gaya
gulāb kaise khile dasht-e-ārzū meñ koī
ye sar-zamīn abhī vāqif-e-bahār nahīñ
Ghazal
 kisi ki muntazir ab dil ki rah-guzar nahin
gulshan kī fazā dhuāñ dhuāñ hai
kahte haiñ bahār kā samāñ hai
Ghazal
 gulshan ki faza dhuan dhuan hai
vo nahīñ us sā to hai ḳhvāb-e-bahār-e-jāvedāñ
asl kī ḳhushbū uḌī hai us ke saanī meñ bahut
Ghazal
 imtihan humne diye is dar-e-fani mein bahut
masak ga.ī hai vo añgiyā jo tañg bañdhne se
to kyā bahār hai kāfir ke chaak hone meñ
Ghazal
 na lazzaten hain wo hansne mein aur na rone mein
kaisā hai ye bahār kā mausam ki baaġh meñ
hañstī nahīñ haiñ kaliyāñ chaTakne ke bāvajūd
Ghazal
 har ek dar pe sar ko Tapakne ke bawajud
bāġhbāñ kyuuñ na jaane is ko fuzūl
kar chuke apnī jab bahār daraḳht
Ghazal
 qabr par howen do na chaar daraKHt
rahe qafas hī meñ ham aur chaman meñ phir phir kar
hazār martaba mausam bahār kā pahuñchā
Sher
 rahe qafas hi mein hum aur chaman mein phir phir kar
'habāb' shahr-e-sabā meñ vo qumqumoñ kī bahār
galī galī meñ farozāñ the sīm-o-zar ke charāġh
Ghazal
 tamam raat bujhenge na mere ghar ke charagh
mausam yahī bahār kā hai ishq ke liye
aatī nahīñ palaT ke javānī ga.ī huī
Ghazal
 maut aai kitni bar nai zindagi hui
vo qurbatoñ kā tasavvur vo lams kā jaadū
sadā-bahār ye mausam rahā hai āñkhoñ meñ
Ghazal
 kabhi ziyaada kabhi kam raha hai aankhon mein
chaman hazār ba-ra.anā.ī-e-bahār rahā
tumhārā husn tumhārā shabāb ho na sakā
Ghazal
 meri tarah koi na-kaamyab ho na saka
Top Urdushayar.com