Tags-Bahaar

mohabbat karne vāloñ ke bahār-afroz sīnoñ meñ
rahā kartī hai shādābī ḳhizāñ ke bhī mahīnoñ meñ

aa jaao ki bahār hai apne shabāb par
'ibn-e-chaman' ke vasl kā sāmāñ kiye hue

ho jā ke kū-e-yār meñ ai murġh-e-jāñ muqīm
bāġh-o-bahār hech hai aur āshiyāñ hai hech

kuchh maut kā na ġham hai na kuchh rāhat-e-hayāt
kūche meñ us ke mujh ko bahār-o-ḳhizāñ hai hech

bhūke nahīñ haiñ sair-e-gulistāñ ke ham vale
kyūñkar na khā.iye ki havā hai bahār kī

ye ḳhizāñ kī zard sī shaal meñ jo udaas peḌ ke paas hai
ye tumhāre ghar kī bahār hai use āñsuoñ se harā karo

aa mai-kade meñ ban ke bahār-e-havā-e-sub.h
chal de har ek jaam ko raqsāñ kiye hue

bahār ke taḳht-o-tāj par bhī guloñ ko rote hī ham ne dekhā
ki gaaḌ kar ḳhār-o-ḳhas kā jhanDā chaman meñ ik din ḳhizāñ rahegī

zulf kā abr-e-siyah bāzū-e-sīmīñ pe liye
phir koī naġhma-zan-e-sāz-e-bahār aa hī gayā

bāġhbānoñ ko batāo gul-o-nasrīñ se kaho
ik ḳharāb-e-gul-o-nasrīn-e-bahār aa hī gayā

aaj phir tā-ba-chaman dar-e-pai-e-gul-hā-e-chaman
gungunātā huā zambūr-e-bahār aa hī gayā

chāhe bahār kā mausam ho yā vasl kā koī aalam ho
biit ga.e jo phir se vāpas aate vo lamhāt nahīñ

ḳhushī ho ho ke ḳhud sayyād kahtā hai anādil se
bahār aa.ī huī hai chahchahā.e jis kā jī chāhe

naġhma-e-nau-bahār agar mere nasīb meñ na ho
us dam-e-nīm-soz ko tā.irak-e-bahār kar