Tags-Bahaar

kaun vīrāne meñ dekhegā bahār
phuul jañgal meñ khile kin ke liye

ab garebāñ kahīñ se chaak nahīñ
shuġhl-e-fasl-e-bahār thā na rahā

be-rū-e-yār o mutrib o abrū bahār o baaġh
'hātim' ke ta.iiñ kabhī na pilā.e ḳhudā sharāb

kisī dard-mañd kī huuñ sadā kisī dil-jale kī pukār huuñ
jo bigaḌ gayā vo nasīb huuñ jo ujaḌ ga.ī vo bahār huuñ

gulsitāñ meñ bahār aane de
Dālī-Dālī pe āshiyāñ hoñge

barg-e-ḳhizāñ-rasīda banāyā hai ishq ne
maiñ mausam-e-bahār meñ bustāñ se duur huuñ

phir bahār aatī hai ai ḳhār-e-bayābāñ ḳhush ho
aaj kal phir guzar ābla-pā hotā hai

sab chaman vāloñ ne to luuTī bahār
aur mujhe sayyād hī kā Dar rahā

bahār-e-mashriq-e-dil inqalāb-e-mausam-e-ġham
kisī kā ek tabassum kisī kī ek nigāh

vo tez dhuup hai ki pighalne lage haiñ ḳhvāb
zulfoñ ke saa.e deñge fareb-e-bahār kyā

zanjīr ne kī jumbish vahshat ne lī añgḌā.ī
shāyad ki bahār aa.ī shāyad ki bahār aa.ī

chāroñ taraf haiñ sabz salāḳheñ bahār kī
jin meñ ghirā huā koī mausam ḳhizāñ kā hai

shikasta dīvār-o-dar pe sabza bahār ke raag alāptā hai

zulf se sair rū-e-rañgīñ kī
daam meñ mausam-e-bahār aayā

koī maqām-e-amāñ ab nazar nahīñ aatā
bharī bahār meñ sho.ale chaman se nikle haiñ

sau baar chaman mahkā sau baar bahār aa.ī
duniyā kī vahī raunaq dil kī vahī tanhā.ī

na koī zaḳhm lagā hai na koī daaġh paḌā hai
ye ghar bahār kī rātoñ meñ be-charāġh paḌā hai

itnā na kījiye gul-e-ruḳhsār par ġhurūr
do din kī ye bahār hai aaj aa.ī kal ga.ī

bulbul ko mast kartī hai ḳhushbū libās kī
shāyad nasīm itr-e-bahār aaj mal ga.ī

asīrī meñ bahār aa.ī hai fariyād-o-fuġhāñ kar leñ
nafas ko ḳhūñ-fishāñ kar leñ qafas ko bostāñ kar leñ