Tags-Bahaar

jaise gulshan meñ dabe paañv bahār aatī hai
pattī pattī ke liye le ke nikhār aatī hai

parda ulaT ke us ne jo chehrā dikhā diyā
rañg-e-ruḳh-e-bahār-e-gulistāñ uḌā diyā

ḳhudā mire dil-e-pur-ḳhūñ ko dāġh-dār kare
jo lāla-zār mirī ḳhaak se bahār kare

sard-mehrī kī bas-ki gul-rū ne
oḌhī abr-e-bahār ne bhī shaal

yuuñ hī shāyad dil-e-vīrāñ meñ bahār aa jaa.e
zaḳhm jitne mileñ siine pe sajāte chaliye

phuuT kar rone se ashkoñ kā marā hai paanī
be-bahār aa.e khulī jaatī hai turbat merī

kahāñ haiñ ahl-e-bahār aur kahāñ hai dāvat-e-gul
ki be-nasīb gul-o-gulsitāñ se ruuTh ga.e

kahīñ paḌā na ho partav bahār-e-rafta kā
ye sabz buuñd sī palkoñ pe kyā machalne lagī

abhī bahār-e-guzishta kā ġham miTā bhī nahīñ
phir ehtimām-e-bahārāñ hai dekhiye kyā ho

kyā dekhte haiñ aap bahār-e-numū abhī
jab eḌiyoñ tak aa.eñ to bāloñ ko dekhiye

ik gul aisā nahīñ hove na ḳhizāñ jis kī bahār
kaun se vaqt huā thā ye gulistāñ paidā

ḳhaar dāman se ulajhte haiñ bahār aa.ī hai
chaak karne ko kiyā gul ne garebāñ paidā

magar ek dhun to lagī rahī na ye dil dukhā na gila huā
ki nigah ko rañg-e-bahār par koī iḳhtiyār kahāñ rahā

gumāñ bahār kā hotā hai ab ḳhizāñ pe 'razī'
churā liye haiñ ḳhizāñ ne shajar ke kyā kyā rañg

maiñ qafas ko toḌ ke kyā karūñ mujhe raat din ye ḳhayāl hai
ye bahār bhī yuuñ hī jā.egī jo yahī shikasta-parī rahī

go ki sau rañg gulistān meñ dikhlā.e bahār
na kareñ gul ko tire tālib-e-dīdār pasand

larense-bāġh kaif o latāfat ke ḳhuld-zār
vo mausam-e-nashāt vo ayyām-e-nau-bahār

jab na dekhegā vo bahār-e-chaman
mar hī jā.egā bāġhbāñ mire ba.ad

hañsā jo phuul to shabnam kī aañkh bhar aa.ī
bahār samjhā jise daur vo ḳhizāñ kā thā

chaman meñ sub.h ye kahtī thī ho kar chashm-e-tar shabnam
bahār-e-bāġh go yuuñ hī rahī lekin kidhar shabnam