Tags-Bandagi

bandagī meñ tirī sahte hī haiñ lū kī lapTeñ
chand din ke liye dozaḳh kī havā aur sahī

phir haqīqat kī usī jannat kī jānib lauT kar
bandagī ko laġhzish-e-ādam banā saktā huuñ maiñ

maiñ bhī dekhūñ ab tirā zauq-e-junūn-e-bandagī
le jabīn-e-shauq un kā āstāna aa gayā

Thahregī ek din vahī merāj-e-bandagī
jo baat kah ke aaj gunahgār ham hue

dair ho ka.aba ho kalīsā ho
us kī dhun us kī bandagī se ġharaz

kuchh baḌhānā thā mazāq-e-bandagī kā hausla
pher lī tū ne nazar sharmā ke sajda rah gayā

atā-e-ġham pe bhī ḳhush huuñ mirī ḳhushī kyā hai
razā talab jo nahīñ hai vo bandagī kyā hai

'mīr' kī bandagī meñ jāñ-bāzī
sair sī ho ga.ī ḳhudā.ī kī

phir kahīñ bandagī kā naam aayā
phir shikan paḌ ga.ī jabīnoñ meñ

na balā se ashk thamte na duā qubūl hotī
maiñ ḳhulus-e-bandgī se to na sharmsār hotā

rahne de apnī bandagī zāhid
be-mohabbat ḳhudā nahīñ miltā

bandagī ham ko to aa.ī ki na aa.ī lekin
husn yuuñ ruuTh gayā hai ki ḳhudā ho jaise

but-parastī meñ kī maiñ ne vo bandagī
but-kade ko bhī qibla-numā kar diyā

jabīn-e-shauq pe sajdoñ ke daaġh ai 'anjum'
ye bandagī hai to me.ār-e-bandagī kyā hai

savāl ye hai ki tum kyā nigāh rakhte ho
niyāz-mand to vāqif hai bandagī kyā hai

kuchh gū-magū hai yaaro ye amr bandagī kā
afkār hai achambhā iqrār hai ta.ajjub

banda-parvar maiñ vo banda huuñ ki bahr-e-bandagī
jis ke aage sar jhukā dūñgā ḳhudā ho jā.egā

āḳhir sar-e-niyāz jhukā.eñ to kis tarah
nā-āshnā haiñ rasm-o-rah-e-bandagī se ham

jo qalb ko zindagī na baḳhshe nazar ko kaif-o-ḳhudī na baḳhshe
vo zauq-e-sajda hai nañg-e-sajda ibādat-o-bandagī nahīñ hai