Tags-Barg

zulm kī ḳhaak meñ is haq kā shajar boyā thā
sālhā-sāl meñ jo barg-o-samar laayā hai

har barg-e-fasurda ne khīñchā doshīza bahāroñ kā dāman
ai sub.h-e-vatan ai sub.h-e-vatan

sher kyā hai niim bedārī meñ bahnā mauj kā
barg-e-gul par niiñd meñ shabnam ke girne kī sadā

dard hai dil ke liye aur dil insāñ ke liye
tāzgī barg-o-samar kī chamanistāñ ke liye

safīna-e-barg-e-gul banā legā qāfila mor-e-nā-tavāñ kā
hazār maujoñ kī ho kashākash magar ye dariyā se paar hogā

barg-e-ḳhizāñ-rasīda banāyā hai ishq ne
maiñ mausam-e-bahār meñ bustāñ se duur huuñ

uḌā kar le ga.ī bād-e-ḳhizāñ is saal us ko bhī
rahā thā ek barg-e-zard baaqī mere gulshan meñ

pa.e numūd na garmī hai ishq kī na havā
daraḳht ziist ke haiñ ḳhushk barg-o-bār baras

ek be-barg shajar dhund meñ lipTā huā thā
shāḳh par baiThī duāoñ kī zarūrat thī mujhe

barg-o-bar ye tire kūche meñ to laatā hī nahīñ
jā ke biThlāveñg ḳhvāhish kā shajar aur kahīñ

mire mausamoñ ke bhī taur the mire barg-o-bār hī aur the
magar ab ravish hai alag koī magar ab havā koī aur hai

ḳhizāñ tujh par ye kaisā barg-o-bār aane lagā hai
mujhe ab mausamoñ par e'tibār aane lagā hai

ek muddat se koī sabz na ubhrā is meñ
ghoñsle chiil ke be-barg shajar meñ haiñ abhī

har barg se aatī thī gul-o-lāla kī ḳhushbū
har mauj-e-havā meñ nafas-e-yār ghulā thā

dasht-e-alam meñ barg-e-ḳhizāñ-dīda kī tarah
bas ai hujūm-e-shauq kahīñ ham bikhar na jaa.eñ

kaash merī kah rahe haiñ sabza-o-dasht-o-daman
lāla-o-barg-o-saman aalam hai ye kashmīr kā