Tags-Barg

shahr kā ek barg-e-āvāra
dasht-o-dar kī hañsī uḌaa.e gayā

guloñ kī chaah meñ tauhīn-e-barg-o-bār na kar
bhare chaman meñ ye sāmān-e-intishār na kar

sāya-e-āftāb meñ barg o sharar ThiThur ga.e
barf kahāñ se aa ga.ī dhuup kā ruup dhaar kar

tere āġhāz se anjām hai raushan merā
barg-e-āvāra koī ḳhāk-e-ravāñ huuñ maiñ bhī

anjum-o-mehr-o-gul-o-barg-o-sabā kuchh bhī nahīñ
ḳhuub dekhā ba-ḳhudā ġhair-e-ḳhudā kuchh bhī nahīñ

mujh ko hai junūñ zamzama-e-barg-e-ḳhizāñ kā
patjhaḌ ke liye gosh-bar-āvāz rahūñ maiñ

tarāne hamd ke gulshan meñ barg-e-gul se suntā huuñ
zabān-e-ġhuncha pe kyūñkar tirā afsāna aa pahuñchā

hai sohbat kā pareshānoñ ke ye rañg
havā se hoveñ jo barg-e-ḳhizāñ jam.a

kabhī is taraf bhī guzar karo kabhī is taraf bhī nazar karo
maiñ faqīr-e-gul-kada-e-vafā mire barg-e-sāz ye ḳhār-o-ḳhas

ḳhizāñ jab aa.e to āñkhoñ meñ ḳhaak Dāltā huuñ
hare daraḳhtoñ ko be-barg kis tarah dekhūñ

barg barg taaza hai zaḳhm zaḳhm ristā hai
mausam-e-bahārāñ meñ shāḳh-e-nau-burīda ham

gar yahī Dol hai to kab 'qā.em'
sāz-o-barg-e-falāh kījiyegā

khīñchā to mauj-e-mil use bhīñchā to barg-e-gul
vo kāñch se matīn kiran se mahīn thā

tire ba.ad bhī vahī Dhañg haiñ vahī naḳhl-soḳhta rañg haiñ
vahī intizār-e-tuyūr hai vahī barg-e-sabz ke ḳhvāb se

hilā na apnī jagah se na chāk-dāman thā
havā se laḌ ke magar barg-e-arjumand huā

hazar kar āh-e-dil-e-nātavāñ se ai zālim
ki koh Tal ga.e haiñ barg-e-kāh ke maare

misāl-e-barg-e-ḳhizāñ sarsar-e-firāq se aah
paTakte phirte haiñ sar ham tabāh ke maare

ye barg-e-zard ki bikhre paḌe haiñ rāhoñ meñ
yahī haiñ mausam-e-gul kī nishāniyāñ pyāre

kab kuchal jaa.eñ kisī paañv se ham barg-e-vajūd
vaqt kī dhuup meñ vaise hī karāre hue haiñ