Tags-Barg

bas rakh diyā ḳhat meñ barg-e-sausan
jab likh na sake sifat misī kī

jis varaq par hai hadīs-e-lab-o-ruḳhsār raqam
us varaq par koī barg-e-gul-e-tar rakh denā

dast-e-junūñ-o-panja-e-vahshat chihār-samt
be-barg-o-bār hone lagī hai bahār phir

aas kī shāḳh par kahīñ
barg nahīñ samar nahīñ

barg-e-āvāra-sadā aa.e haiñ
koī āvāza-e-pā laa.e haiñ

aaj ham ne tamām husn-e-bahār
ek barg-e-gulāb meñ dekhā

mausam-e-gul meñ kiyā malbūs banñe kā amal
be-libāsī kā amal barg-e-ḳhizānī se kiyā

jo mujhe barg-e-ḳhizāñ samjhī thiiñ un āñkhoñ ne
naam aurāq-e-bahārāñ pe bhī merā dekhā

nahīñ haiñ shabnam ke sub.h qatre ye barg-e-gul-hā-e-bostāñ par
ba-yād-e-ātish-ruḳhāñ phaphūle paḌe haiñ har phuul kī zabāñ par

uḌā ke barg-e-ḳhizāñ-dīda kī tarah ik roz
usī ne pūchhā thā phir āñdhiyāñ kab aa.ī thiiñ

daraḳhshāñ kitne lamhe kar gayā ik barg-e-jāñ-rafta
shajar se gir ke us ne dā.eroñ meñ kis qadar likkhā

mamnūn-e-barg-e-gul haiñ na sharminda-e-sabā
ham bulbul aur hī chaman-e-dil-kushā ke haiñ

hairat daroġh maslahat-āmez par ho kyā
be-barg jhāḌiyoñ ko shajar kah diyā gayā

ai raunaq-e-lāla-zār vāpas aa jā
ai daulat-e-barg-o-bār vāpas aa jā

bilā-sabab to koī barg bhī nahīñ hiltā
tū apne aaj pe asarāt kal ke dekh zarā

hassās ho duniyā to jo nashtar se hai maḳhsūs
vo kaam bhī maiñ barg-e-gul-e-tar se nikālūñ

āñdhiyoñ ne kar diye saare shajar be-barg-o-bār
varna jab patte khaḌakte dil laraztā aur bhī

be-barg be-libās daraḳhtoñ kī Tahniyāñ
paiġhām-e-nau-bahār haiñ tū jaag to sahī

ye dūriyoñ kā sail-e-ravāñ barg-e-nāma bhej
ye fāsloñ ke bañd-e-girāñ koī baat kar

zabāñ ko tarjumān-e-ġham banā.ūñ kis tarah 'kaifī'
maiñ barg-e-gul se añgāre uThā.ūñ kis tarah 'kaifī'