Tags-Barg

nahīñ gar sar-o-barg-e-idrāk-e-ma.anī
tamāshā-e-nairañg-e-sūrat salāmat

lahlahātā hai dil-e-ishrat meñ roz o shab vo naḳhl
jis ke barg o shāḳh meñ mausam mahaktā hai tirā

ye sho.ala ek barg-e-ḳhizāñ hai ki barg-e-gul
āñkhoñ meñ terī shaam hai kyuuñ bhor kyuuñ nahīñ

ziist ek barg-e-tishna hai vo abr kyā hue
ab un kī koī raah mirī or kyuuñ nahīñ

dast-e-savāl-e-barg hai shabnam se kyuuñ tahī
jo bādaloñ ko luuT le vo zor kyuuñ nahīñ

vārasta-e-azāb-e-tamāshā hai chashm-e-barg
ai āgahī nigāh mirī kor kyuuñ nahīñ

shādāb shāḳh-e-dard kī har por kyuuñ nahīñ
har barg ik zabāñ hai to phir shor kyuuñ nahīñ

kis jurm se hai chashm tujhe hasrat qubūl
barg-e-hinā magar mizha-e-ḳhūñ-fishāñ nahīñ

kyā jaane shāḳh-e-vaqt se kis vaqt gir paḌūñ
mānind-e-barg-e-zard abhī Doltā huuñ maiñ

peḌ to saare hī be-barg hue jaate haiñ
dhuup to aa.egī saaya nahīñ aane vaalā

har barg-e-hasīñ ko dete haiñ zaḳhmoñ ke mahakte nazrāne
kāñToñ se baḌā is gulshan meñ phūloñ kā koī dam-sāz nahīñ

maleñ ham kyuuñ na āñkheñ barg-e-gul se
ise terā kaf-e-pā jānte haiñ

be-barg-o-bār peḌ se rahte haiñ duur duur
rah-gīr bhī havā-e-ḳhizānī kā shor bhī

jo saḳht hove to aisā ki koh aahan kā
jo narm hove to barg-e-gulāb hai kyā chiiz

har gul-o-barg hai ik naqsh-e-qadam
kaun is raah se guzrā hogā

aadmī shiddat-e-ehsās kā maarā ho agar
barg-e-gul bhī use patthar kī tarah lagtā hai

shaffāf bhī rakhnā hai gulshan kī fazāoñ ko
har barg-e-gul-e-tar ko talvār bhī karnā hai

ḳhizāñ ke dosh pe hai fasl-e-gul kā raḳht abhī
ki barg-o-bār se ḳhālī hai har daraḳht abhī

havā ke rahm-o-karam par hai barg-e-āvāra
zamīn se koī rishta na āsmānoñ se

shajar-e-tar na yahāñ barg-e-shanāsā koī
is qarīne se sajāyā hai ye manzar kis ne