Tags-Aaina

tum ko ā.īne meñ kyā aayā nazar
misl-e-ā.īna jo tum hairāñ rahe

maiñ har be-jān harf-o-lafz ko goyā banātā huuñ
ki apne fan se patthar ko bhī ā.īna banātā huuñ

terī ārā.ish kā istiqbāl kartī hai bahār
jauhar-e-ā.īna hai yaañ naqsh-e-ehzār-e-chaman

saaf hai az bas-ki aks-e-gul se gulzār-e-chaman
jānashīn-e-jauhar-e-ā.īna hai ḳhār-e-chaman

vo hai jamāl-e-be-karāñ qaidī-e-rañg hai nazar
dīda-e-shauq dekh le ā.īna-e-sifāt bas

ḳharāsh-e-dard kā ā.īna huuñ mujhe dekho
ye bāñkpan bhī kahāñ hai kisī ke chehre par

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ham ā.īna haiñ haq ke haq ā.īna hai apnā
mastī meñ apnī har dam dam haq kā mārte haiñ

ab dekh ke apnī sūrat ko ik choT sī dil par lagtī hai
guzre hue lamhe kahte haiñ ā.īna bhī patthar hotā hai

harf aa.egā phir naqāboñ par
ā.īna jab kahīñ se niklegā

rū-posh ho sakeñgī kahāñ ḳhud-numā.īyāñ
ā.īna-rū jamāl dikhāne bhī aa.egā

sīmāb-pusht garmi-e-ā.īna de hai ham
hairāñ kiye hue haiñ dil-e-be-qarār ke

kis kaam kā aisā dil jis meñ ranjish hai ġhubār hai kiina hai
ham ko hai zarūrat us dil kī sab jis ko kaheñ ā.īna hai

darmiyāñ ḳhud apnī hastī ho to ham bhī kyā kareñ
ā.īna dekheñ ki apne-āp se pardā kareñ

tamāshā-gāh-e-ālam kā tamāshā mujh se mat pūchho
ki juuñ ā.īna meñ hairat ke kāshāne meñ rahtā huuñ

vo log mutma.in haiñ ki patthar haiñ un ke paas
ham ḳhush ki ham ne ā.īna-ḳhāne banā.e haiñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

aa.ina bhī ā.īna-gar se ulajhtā rah gayā
maiñ hī us bahrūp ghar meñ ek jhūTā rah gayā