Tags-Aaina

hairat-e-fikr-e-suḳhan sāz-e-salāmat hai 'asad'
dil pas-e-zānū-e-ā.īna biThātā hai mujhe

ā.īna
chehroñ kā jahāñ hairat

begāna yagāna hai dil ā.īna-ḳhāna hai
ka.abe kā ye ka.aba hai but-ḳhāne kā but-ḳhāna

bole dikhlā ke ā.īna shab-e-vasl
dekhiye to yahī vo sūrat hai

ā.īna samajhte haiñ tujhe sab ye alag baat
hai tujh meñ magar ā.īna-pan aur kisī kā

nahīñ ḳhauf-e-roz-e-siyah hameñ ki hai 'faiz' zarf-e-nigāh meñ
abhī gosha-gīr vo ik kiran jo lagan us ā.īna-rū kī hai

ik aks hai jo saath nahīñ chhoḌtā kabhī
ham tā-hayāt ā.īna-bardār se rahe

barf ke ā.īna-ḳhānoñ meñ sho.aloñ kā siñgār kareñge
aivānoñ meñ aish manā kar taḌpeñge patthar dil log

kis kā junūn-e-dīd tamannā-shikār thā
ā.īna-ḳhāna vādī-e-jauhar-ġhubār thā

ā.īna dekhūñ to kyūñkar dekhūñ
yaad ik shaḳhs kī aatī hai mujhe

ye tamhīd-e-nigāh-e-shauq hai do-ātisha ai dil
is aalam meñ ik aalam aur ā.īna dikhātā hai

kaun kartā hai pas-e-parda-e-ā.īna kalām
aks ko hairat-e-ilhām se pahchānte haiñ

kitnā āsāñ hai tasvīr banānā auroñ kī
ḳhud ko pas-e-ā.īna rakhnā kitnā mushkil hai

apnī aag ko zinda rakhnā kitnā mushkil hai
patthar biich ā.īna rakhnā kitnā mushkil hai

bahut hasīn hai māhaul-e-zindagī 'sādiq'
nazar ke sāmne jab se vo ā.īna-rū hai

sāñsoñ meñ base ho tum āñkhoñ meñ chhupā lūñgā
jab chāhūñ tumheñ dekhūñ ā.īna banā lūñgā

vo ā.īna hai ki jis ko hai hājat-e-sīmāb
ik iztirāb hai kaafī dil-e-safā ke liye

yahī jaam partav-e-ruḳh tirā yahī terī zulf ko ā.īna
mah o abrū mai kī hasīñ fazā ise roknā ye fazā ga.ī

dil kī bisāt kyā thī nigāh-e-jamāl meñ
ik ā.īna thā TuuT gayā dekh-bhāl meñ