Collections

Lab Shayari

Motivational Ghazals

Best Khamoshi Shayari

More Collections

Tags-Bisaat

har dukh ko maiñ jhelī huuñ
dard-bisāt pe khelī huuñ

har dukh ko main jheli hun

libās-e-ḳhāk shafaq-rañg misl-e-shāḳh-e-chinār
bisāt-e-soḳhta-āmoz fikr-o-fan kyuuñ hai

safar nasib agar ho to ye badan kyun hai

nuqūsh-e-ārzū miT miT ke ubhre ḳhuun hone ko
bisāt-e-kahkashāñ ban kar shafaq kī surḳhiyāñ ho kar

mohabbat aag ban jati hai sina mein nihan ho kar

khet tere rashk-e-gulshan dasht tere lāla-zār
tujh ko baḳhshī hai mashiyyat ne bisāt-e-zar-nigār

watan

jalve kahāñ kisī ke bisāt-e-nazar kahāñ
zarre meñ āftāb samonā paḌā mujhe

dil hi rah-e-talab mein na khona paDa mujhe

bisāt gardish ke dā.eroñ meñ simaT chukī thī
magar vo zauq-karam kī vus.at pe rah ga.ī thī

sahar ki jumbish qad-e-matanat pe rah gai thi

bisāt-e-ajz meñ ik aah thī matā-e-hayāt
so vo bhī sarf-e-sitam-hā-e-rozgār huī

shabab-e-hosh ki fil-jumla yaadgar hui

kiyā hai dīda-e-anjām maiñ ne āgah-e-rāz
bisāt-e-dahr 'munavār' hai farsh-e-ḳhvāb mujhe

mila tha roz-e-azal zauq-e-kaamyab mujhe

jāveñ nisār hone ko ham kis bisāt par
ik niim jaañ rakheñ haiñ so vo jab qubūl ho

KHat likh ke koi sada na usko malul ho

uThne vaalī hai koī dam meñ sitāroñ kī bisāt
aur kuchh der kā nashsha hai utar jaane do

mauj-e-KHun sar se guzarti hai guzar jaane do

fazā-e-shauq meñ us kī bisāt hī kyā thī
parind apne paroñ kā nishāna ho gayā hai

badan mein jaise lahu taziyana ho gaya hai

kuchh nahīñ is ke sivā apnī nigāhoñ kī bisāt
kuchh dikhā.ī na diyā sūd-o-ziyāñ se aage

marhala shauq ka hai lafz-o-bayan se aage

bhāñdhnī hai āḳhirī ik chaal se saarī bisāt
aur us kā daav bhī be-kār karnā hai mujhe

ek ghar apne liye tayyar karna hai mujhe

har baat bisāt-e-ālam meñ mānind-e-sadā-e-gumbad hai
auroñ ko burā kahne vaalo tum ḳhud bhī bure kahlāoge

tum apni zaban Khaali kar ke ai nukta-waro pachhtaoge

lag ga.iiñ haiñ daav par sāñseñ bisāt-e-ishq meñ
us taraf yā is taraf tai ho hī jaanā chāhiye

ab mariz-e-ishq ko kaisa Thikana chahiye

qadam qadam pe bichhāo bisāt-e-kaif-o-nishāt
sharāb aur pilāo sambhal na jaa.eñ kahīñ

charagh zabt-e-tamanna se jal na jaen kahin

ab kahīñ jā ke sameTī hai umīdoñ kī bisāt
varna ik umr kī zid thī ki sambhāle mujhe koī

KHauf ke sail-e-musalsal se nikale mujhe koi

phir aa ga.e bisāt pe mohre piTe hue
khaa.ī thī ham se maat abhī kal kī baat hai

din ho ki ho wo raat abhi kal ki baat hai

uTh ga.ī aaj zamāne se bisāt-e-ulfat
bistar-e-marg mirā us ne ye kah kar ulTā

usne mai pi ke sar-e-bazm jo saghar ulTa

vo samajhtā hai aa.ine kī bisāt
jis ne patthar kabhī tarāshā hai

aaine mein KHud apna chehra hai