Tags-Bisaat

kuchh ye na thā ki maiñ ne na samjhī bisāt-e-dahr
maiñ ḳhud hī khel haar gayā dekh-bhāl ke

bisāt-e-ulfat hai vo nirālī jahāñ meñ jāñ-bāḳhta khilāḌī
juā bhī ye but jo khelte haiñ to dil kī kauḌī uchhālte haiñ

dil-e-nādān ulaT detā hai akasr ye bisāt
aql yuuñ chaal bahut chaltī hai ayyārī se

ye kā.enāt mire sāmne hai misl-e-bisāt
kahīñ junūñ meñ ulaT duuñ na is jahān ko maiñ

ye bisāt-e-ārzū hai is ko yuuñ āsāñ na khel
mujh se vābasta bahut kuchh daav par merā bhī hai

aañsū kī kyā bisāt magar josh-e-ishq ne
qatre ko mauj mauj ko tūfāñ banā diyā

jo jāñ-bāziyoñ kī chale chaal us ko
bisāt-e-vafā par na ho maat hargiz