Tags-Bisaat

apnoñ ke liye jām-o-sahbā auroñ ke liye shamshīr-o-tabar
nard-e-insāñ Taptī hī rahī duniyā kī bisāt-e-tāqat par

bisāt-e-imkān par taġhayyur kā husn mohre badal rahā hai
charāġh-e-hairat kī lau meñ zinda haiñ raqs karte hue zamāne

na samjheñ baat vaa.iz kī ham itne bhī nahīñ nādāñ
kahāñ tak hai bisāt-e-aql-o-dānā.ī samajhte haiñ

kyā batā.eñ bisāt zarre kī
zarre zarre se kā.enāt huī

tah-e-zamīn kisī azhdahe ne jumbish kī
bisāt-e-ḳhāk pe manzar mirā badalne lagā

lagtā hai ab ulaTne ko hai ye bisāt-e-shab
sargoshiyāñ yahī haiñ barābar yahāñ vahāñ

zindagī kī bisāt par 'bāqī'
maut kī ek chaal haiñ ham log

sub.h-e-firāq al-amāñ vasl kī shaam al-amāñ
ajiib hai bisāt-e-ishq ajab nizām al-amāñ

bisāt-e-arz pe chāhūñ to phail jā.ūñ maiñ
ho ramz-e-yār to dil meñ simaT bhī saktā huuñ

sī ke phailā duuñ bisāt-e-fan pe maiñ dāmān-e-chāk
Dor to guzre nazar kī sozan-e-bārīk meñ

matā-e-hosh kī baazī lagā kar
bisāt-e-ishq pe ham haar jaate

miirī bisāt par to sabhī bādshāh haiñ
maine kabhī kisī ko piyāda nahīñ kahā

zulmatoñ kī bisāt hī kyā hai
tum charāġhoñ kā intizām karo

hamāre baa'd agar rustaḳhez ho bhī to kyā
bisāt-e-vaqt se ham to ga.e guzar ḳhāmosh

hujūm itnā ki chehre bhuul jā.ūñ
bisāt-e-zāt ko phailā rahī huuñ

kis ne bisāt-e-bahs ke mohre badal diye
tanhā to thā vo pahle bhī gūñgā kabhī na thā

qatre kī kyā bisāt patā bhī nahīñ chalā
ik mauj uTh ke rah ga.ī dariyā-e-nūr se

maiñ mauj mauj huuñ merī bisāt dariyā hai
mirā qabīla samundar hai zaat dariyā hai