Tags-Chaand

chāñd ke us paar sūraj se udhar tāroñ se duur
raqs karte roz-o-shab lākhoñ jahāñ paatā huuñ maiñ

niklā jo chāñd aa.ī mahak tez sī 'munīr'
mere sivā bhī baaġh meñ koī zarūr thā

ḳhvāb-nagar ke shahzāde ne aise bhī nirvān liyā
chāñd sajāyā āñkhoñ meñ aur raat ko sar par taan liyā

hogā kyā chāñd-nagar sochte haiñ
ham ba-unvān-e-digar sochte haiñ

chāñd thā sāhil-e-nafas ke qarīb ek din mere dil meñ Duub gayā
sub.h kā raaz rā.egāñ Thahrā shaam bhī ghul ga.ī tamāshe meñ

yuuñ to vo chāñd bhī be-dāġh nahīñ thā 'ḳhurshīd'
aur mujh se bhī ḳhatā ek ishāre kī huī

kal raat jagmagātā huā chāñd dekh kar
saa.e nikal paḌe the badan se idhar udhar

aarzū chāñd kī hai zarf se baḌh kar lekin
terī fayyāzī kī tauhīn hai jugnū denā

chāñd khiḌkī meñ kabhī dhuup meñ bādal rakhnā
dhyān rakhnā jo kisī kā to har ik pal rakhnā

chāñdnī rātoñ meñ chillātā phirā
chāñd sī jis ne vo sūrat dekh lī

chāñd-sitāroñ ke jhurmuT meñ phūloñ kī muskāhaT meñ
tum chhup-chhup kar hañste ho tum ruup kā maan baḌhāte ho

bast-o-kushād-bāzad kyā hai sāñsoñ kī halchal ke sivā
chāñd ghirā ho jab maujoñ meñ baḌhtī hai tuġhyānī aur

nazar aayā chāñd aur milī ye navīd
ki das din ke baad aa.egī baqar.īd

us kā chehra chāñd nahīñ
bole dil kā darpan jhuuT

aa ki tere māthe par ab ise sajā duuñ maiñ
chāñd le ke aayā huuñ raat ke ḳhazāne se

tan man meñ phuul sajātī thiiñ
jab chāñd kī rim-jhim kirnoñ se

gir gayā añdhere meñ tere mehr kā sūraj
dard ke samundar se chāñd yaad kā niklā

ga.ī shab chāñd jaisā jab chamaktā hai ḳhayāl us kā
tamannā merī ik chhoTā sā bachcha ho hī jaatī hai

chāñd meñ hai koī parī shāyad
is liye hai ye chāñdnī shāyad

chupke chupke raat ko tashrīf jab laatā hai chāñd
har taraf dhartī pe kaisā nuur barsātā hai chāñd