Tags-Chaand

begam se kah rahā thā ye koī ḳhalā-navard
baiThī huī hai chāñd pe ''guḌiyā'' mire liye

lī fart-e-masarrat se barsāt ne añgḌā.ī
jab chāñd se chehre par kaalī sī ghaTā chhā.ī

kabhū na us ruḳh-e-raushan pe chhā.iyāñ dekhīñ
ghaTā.eñ chāñd pe sau baar chhā.iyāñ dekhīñ

bajā thā zo.am agar apne bāl-o-par kā thā
ki shauq bhī to use chāñd ke safar kā thā

merī rātoñ ke siyah āñgan meñ
chāñd koī kabhī chamkā hī nahīñ

apnā ganjā chāñd sambhāl
mere sar par dhuul na jhaaḌ

sāhil kī ret chāñd ke muñh par na Dāliye
himmat jo ho to bahr se motī nikāliye

chāñd mere ghar meñ utrā thā kahīñ Duubā na thā
ai mire sūraj abhī aanā tirā achchhā na thā

tirā paañv shaam pe aa gayā thā ki chāñd thā
tirā hijr sub.h ko jal uThā thā ki phuul thā

kahā gul ne aqīdat se vatan kī chuum kar miTTī
maiñ apne chāñd se beTe tumhāre naam kartī huuñ

hairat-zada se rahte haiñ apne madār par
us ke alāva chāñd sitāroñ se bhī ho kyā

chhat pe jaanā chāñd ko taknā kisī kī yaad meñ
vaqt ke dāman meñ vo auqāt bhī baaqī nahīñ

is bulandī ḳhauf se āzād ho us ne kahā
chāñd se jab bhī kahā nīche utarne ke liye

chāñd ik maand huā jab se 'shahāb'
raat Dhaltī hai to dil dukhtā hai

alfāz chāñd taare ban kar chamak rahe haiñ
rif.at meñ āsmāñ hai urdu zabāñ hamārī

ruḳh par jo siyah-zulf ko ko bikhrā.e hue haiñ
vo chaudhvīñ ke chāñd haiñ gahnā.e hue haiñ

vo chāñd rahguzar kā sāthī jo thā safar thā mo.ajiza nazar kā
har baar kī nazar se raushan vo mo.ajiza ho ye baat to ġhalat hai

chāñd taare jise har shab dekheñ
ham bhī us shoḳh ko yārab dekheñ

āñkheñ nīchī kar lo raat ke raste nā-hamvār bhī haiñ
chāñd ko takte chalne vaalo dekho Thokar khāoge

jashn-e-shāhī meñ ġharīboñ ko bhī dāvat denā
chāñd ke saath sitāre bhī ziyā karte haiñ