Collections

Lab Shayari

Motivational Ghazals

Best Khamoshi Shayari

More Collections

Tags-Chaand

ye gir rahī hai raakh jo 'rāhib' zamīn par
buḌhiyā ne raat chāñd meñ charḳha jalā diyā

phir yun hua ki aag se chehra jala diya

sub.h kā dhokā huā hai shaam par
chāñd ko dekhā achānak baam par

subh ka dhoka hua hai sham par

ham-safar ho to koī apnā-sā
chāñd ke saath chaloge kab tak

but bane rah takoge kab tak

ik dīvār pe chāñd Tikā thā
maiñ ye samjhā tum baiThe ho

mujhse bichhaD ke KHush rahte ho

ye kyā ki chāñd to bādal meñ jā ke baiThā hai
so ham ne jugnū sunahre uThā ke rakkhe haiñ

tamam KHwab adhure uTha ke rakkhe hain

āñkheñ chehre chāñd sitāre raat hī raat
darvāze dīvār darīche ḳhvāb hī ḳhvāb

andar bahar upar niche KHwab hi KHwab

lubhā.egā use kyā chāñd kā ḳhunuk jaadū
jise nasīb kaḌī dhuup kī tapish hī nahīñ

fughan-e-dard mein bhi dard ki KHalish hi nahin

man ik nanhā sā bālak hai humak humak rah jaa.e hai
duur se mukh kā chāñd dikhā kar kaun use lalchā.e hai

dil ki aag jawani ke ruKHsaron ko dahkae hai

vo payambar haiñ apnī rātoñ ke
jin pe utrā hai chāñd-rāt kā ġham

wo jo karte the baat baat ka gham

havā ne diip bujhāyā hī thā ki niklā chāñd
qalam ko tez chalāo ki ye bhī Duub na jaa.e

yaad nagar

koī phal phuul nahīñ maġhribī chaTTānoñ par
chāñd jis gaañv se ugtā hai vo duniyā dekhūñ

chand ko reshmi baadal se ulajhta dekhun

chāñd ko reshmī bādal se ulajhtā dekhūñ
vo havā hai kabhī āñchal kabhī chehra dekhūñ

chand ko reshmi baadal se ulajhta dekhun

sab sitāre dilāsa dete haiñ
chāñd rātoñ ko chīḳhtā hai bahut

jaane kis baat se dukha hai bahut

kab mire chāñd ke aane señ ujālā hogā
hijr kī raat añdhārī hai ḳhudā ḳhair kare

bar tujh hijr ka bhaari hai KHuda KHair kare

vo le ga.e haiñ chāñd-sitāroñ kī raushnī
kahte rahe fasāna-e-ġham āsmāñ se ham

kuchh bhi na ab kahenge qafas mein zaban se hum

chāñd ko bāhar falak par chhoḌ kar
vaqt kī andhī guphā meñ

pas-e-diwar-e-shab

sirf logoñ ko batāne se tasallī na huī
chāñd tāroñ ko bhī hamrāz kiyā hai maiñ ne

un nigahon ko ham-awaz kiya hai maine

zulmat meñ bahut hī yaad aa.e
vo chāñd jo ham-safar rahe haiñ

wo naKHl jo bar-war hue hain

sadā sūraj ne din bhar us ko DhūñDā
kabhī vo chāñd kā TukḌā na paayā

tumhaari chashm ne mujh sa na paya

Duub gayā shab ke dariyā meñ
chāñd bhī bas ik qatra niklā

sagar bhi to qatra nikla