Tags-Chaand

sitāre baḌh rahe the merī jānib
magar vo chāñd kyuuñ Thahrā huā thā

tumhāre bin udāsī din pe aksar chhā.ī rahtī hai
shab-e-furqat falak par chāñd taarā kaun dekhegā

taare saare raqs kareñge chāñd zamīñ par utregā
aks mire mahbūb kā jab bhī jal ke andar utregā

jab us kā naam laboñ par duā ke saath utre
to chāñd aañkh meñ koī ghaTā ke saath utre

muddatoñ us kī ḳhvāhish se chalte rahe haath aatā nahīñ
chaah meñ us kī pairoñ meñ haiñ aable chāñd ko kyā ḳhabar

havāoñ ke vo jhoñke vo khule maidān kī sardī
vo lahreñ chāñd se ruḳhsār par zulf-e-pareshāñ kī

saa.e meñ saaya ulajh rahā thā chāhat ho ki adāvat ho
duur se dekho to lagte the sūraj chāñd bichhaune meñ

'afzal' ye tīrgī ke musāfir kahāñ chale
jī chāhtā hai in pe ka.ī chāñd māriye

ye husn hai jharnoñ meñ na hai bād-e-chaman meñ
jis husn se hai chāñd ravāñ nīl-gagan meñ

badlī jo jagmagāte hue chāñd par paḌī
yaad aa ga.ī kisī kī badan se bharī qamīs

kis ne raste meñ chāñd rakkhā hai
us se Takrā ke gir paḌeñge ham

hoñT tere phūloñ se baat terī ḳhushbū sī
ruup chāñd sā terā dil bhī aa.ina sā hai

haañ vaqt se pahle hī uḌā degī ise sub.h
rakkhī na ga.ī chāñd se gar shab ye dabā kar

bachpan meñ chāñd bhī koī panchhī lagā mujhe
lagtā thā gir paḌegā ye merī ġhulail se

baḳht-e-be-dār se vo chāñd mire haath aayā
āsmāñ tak haiñ mire dast-nigar aaj kī raat

raah bhuul aayā hai ik chāñd idhar aaj kī raat
kaisī ghar baiThī hai daulat mire ghar aaj kī raat

mehrbāñ mujh pe ho ai rashk-e-qamar aaj kī raat
aa mire chāñd ke TukḌe mire ghar aaj kī raat

puure chāñd kī aadhī raat
raqsāñ jañgal hai sāhab

kitnā ajiib shab kā ye manzar lagā mujhe
tāroñ kī saf meñ chāñd suḳhnavar lagā mujhe

tujhe chāñd ban ke milā thā jo tire sāhiloñ pe khilā thā jo
vo thā ek dariyā visāl kā so utar gayā use bhuul jā