Tags-Chaand

jo tum qarīb the har shai pe iḳhtiyār sā thā
ye chāñd aur sitāroñ kī raat apnī thī

kashish nahīñ hai tumhāre binā bahāroñ meñ
ye chhat ye chāñd sitāre udaas lagte haiñ

chāñd nikle to sahī baam pe kuchh shor to ho
kuchh zarūrī to nahīñ hai mah-e-kāmil honā

kis tarah ḳhush hoñ shaam ko vo chāñd dekh kar
aatā nahīñ hai mash.al-e-mah kā dhuāñ pasand

chāñd se chehre nazar aane lage haiñ kitne
khul gayā merī nigāhoñ pe darīcha kaisā

chāndnī raat meñ ik baar use dekhā thā
chāñd se bar-sar-e-paikār use dekhā thā

aaj kī shab to kisī taur guzar jā.egī
raat gahrī hai magar chāñd chamaktā hai abhī

vo sarāpā husn hai aur us kā ik ruḳh hai siyāh
chāñd se mahbūb kī tābīr aadhī rah ga.ī

jab se Dhālā hai sitāroñ meñ nigāh-e-shauq ko
chāñd se baḌh kar tumhārā bāñkpan lagne lagā

vaañ dharā hī kyā hai Tiile aur pahāḌoñ ke sivā
rockitoñ par uḌne vaale chāñd par pā.eñge kyā

vo baaġh meñ merā muntazir thā
aur chāñd tulūa ho rahā thā

vo rāteñ chāñd ke saath ga.iiñ vo bāteñ chāñd ke saath ga.iiñ
ab sukh ke sapne kyā dekheñ jab dukh kā sūraj sar par ho

tum the aur ham the chāñd niklā thā
haa.e vo raat yaad aatī hai

vo bastiyāñ vo baam vo dar kitnī duur haiñ
mahtāb tere chāñd-nagar kitnī duur haiñ

baḌhī hai fikr-e-ma.āsh jab se mire ḳhayāloñ kī vādiyoñ meñ
na us ke chehre kā chāñd ubhrā na ārizoñ ke gulāb utre

muddatoñ ba.ad kabhī ai nazar aane vaale
iid kā chāñd na dekhā tirī sūrat dekhī

raat tak jism ko uryāñ rakhnā
chāñd niklā to ye sahrā kī sulagtī huī ret

kal raat huā yuuñ bhī
ik chāñd badan laḌkī

tirī judā.ī meñ taare bujhe haiñ palkoñ par
nikalte chāñd kā mātam rahā hai āñkhoñ meñ

idhar khiḌkī meñ thā māyūs chehra
udhar bhī chāñd hai utrā huā sā