Tags-Chaand

taare TuuTe to fazā meñ tirī aahaT gūñjī
chāñd niklā to tirā chehra-e-zebā dekhā

niile niile ambar par vo chāñd vo kirnoñ kī barsāt
ham donoñ kho.e kho.e se haa.e vo mast-manohar ghaat

kaun saanī shahr meñ is mere mah-pāre kā hai
chāñd sī sūrat dupaTTa sar pe yak-tāre kā hai

us bastī meñ mujh ko bhī le jaanā thā
jis bastī meñ chāñd-badan gahnāte the

chāñd bhī hai sogvār-e-hijr dost
phīkī phīkī chāñdnī hai āj-kal

maiñ āsmān kī jānib bhī dekhtā huuñ magar
jo merā chāñd hai vo ḳhūb-rū lage hai mujhe

chāñd tāroñ kī jo de rahā hai ḳhabar
dekhne meñ to vo be-ḳhabar sā lage

gore gore chāñd se muñh par kaalī kaalī āñkheñ haiñ
dekh ke jin ko niiñd aa jaa.e vo matvālī āñkheñ haiñ

bas merā chale jo gardishoñ par
din ko bhī na chāñd ko bujhā.ūñ

vo chāñd-chehra sī ek laḌkī
mohabbatoñ kī misāl jaise

hañstī āñkheñ hañstā chehra ik majbūr bahāna hai
chāñd meñ sach-much nuur kahāñ hai chāñd to ik vīrāna hai

phir adh-khulā sā koī darīcha mire tasavvur pe chhā rahā hai
ye khoyā khoyā sā chāñd jaise tirī kahānī sunā rahā hai

chāñd niklā to ġhazab Dhā jā.egā
raat behtar hai ye kaalī hī rahe

vo ki chāñd jis pe kabhī ġhurūb nahīñ huā
yahāñ ik vo shahr-e-jamāl thā so nahīñ rahā

dekhiye kab tak mile insān ko rāh-e-najāt
laakh barsoñ meñ to vīrāñ chāñd kā rasta milā

kabhī hamīd bulā.e kabhī use 'sājid'
akelā chāñd batāo kidhar kidhar jaa.e

mire paañv ke nīche chāñd nahīñ
ik aur hī des kī miTTī hai

bechain is qadar thā ki soyā na raat bhar
palkoñ se likh rahā thā tirā naam chāñd par

hai ye raushan ki hai hijāb meñ chāñd
aap kyā muñh chhupā.e baiThe haiñ

ik aks dil ke taT se be-iḳhtiyār phūTe
jab chāñd us nagar kī jhīloñ ke paar phūTe