Tags-Charagh

be-ḳhvāb ratjage kabhī ashkoñ ke haiñ charāġh
hai raftagāñ kā sog dil-e-be-qarār hai

havā.eñ tez thiiñ itnī ki ek dil ke sivā
koī charāġh sar-e-rahguzar jalā hī nahīñ

eshiyā.ī mohabbat meñ taaza shumāra nikaltā nahīñ
des vāloñ ne aisī muravvat sikhā.ī ki tartīb se jal rahe haiñ charāġh

vo āñdhiyāñ thiiñ ki maiñ kab kā bujh gayā hotā
charāġh-e-zāt bhī hamd-o-sanā meñ raushan hai

kahīñ bhī jā.ūñ sitāra sā saath rahtā hai
vo shab-charāġh jo us kī havā meñ raushan hai

sivā.e mere kisī ko jalne kā hosh kab thā
charāġh kī lau buland thī aur raat kam thī

us kī dīvār kā jo rauzan hai
ḳhur kā chashm-o-charāg raushan hai

āñdhiyāñ kar deñgī gul 'ishrat' fasīloñ ke charāġh
ik diyā lekin tamannā kā jalā rah jā.egā

jab bhī palkoñ pe chamak jaate haiñ yādoñ ke charāġh
nabz kuchh der zamāne kī Thahar jaatī hai

faroġh-e-bāda se raushan huī taqdīr-e-mai-ḳhāna
ki hai har bāda-kash raushan charāġh-e-pīr-e-mai-ḳhāna

pahle bhī karbalā meñ mashiyyat ḳhamosh thī
ab ik charāġh aur bujhā kuchh nahīñ huā

ye kaisī chiḌh hai mujhe tīrgī ke aalam se
ki maiñ charāġh huuñ lekin sahar meñ rahtā huuñ

bujh jaa.eñ phir na gor-e-ġharībāñ ke ye charāġh
ḳhauf-e-havā se haiñ tah-e-dāmāñ liye hue

vo shahr-e-shab ke kināre charāġh jaltā hai
ki koī sub.h mire intizār meñ gum hai

na.e charāġh jalā mujh ko DhūñDne vaale
tirī nazar to nazar ke ġhubār meñ gum hai

bujhā.ūñ kyā charāġh-e-sub.h-gāhī
mire ghar shaam honī hai sahar se

kisī ke vāste sāhir charāġh the lekin
havā ke haath pe rakkhe the ḳhvāb miTTī ke

har-dam charāġh-e-dil kī idhar lau lagī rahe
ham apnī yādgār se ġhāfil hue to kyā

le kar charāġh raat ko phirtī thī ḳhāmushī
ganjīna-e-hurūf-e-suḳhan māñgtī rahī

qātil-e-ālam se kyā yārāna hai
dil charāġh-e-gor kā parvāna hai