Tags : Charagh | Urdu Shayar

shaam se kuchh bujhā sā rahtā huuñ
dil huā hai charāġh muflis kā

sham se kuchh bujha sa rahta hun

charāġh jab bhī jalāyā koī to gul na kiyā
ye raushnī kī rivāyāt ke munāfī thā

gar us se rabt mera sirf iKHtilafi tha

agarche zor havāoñ ne Daal rakkhā hai
magar charāġh ne lau ko sambhāl rakkhā hai

agarche zor hawaon ne Dal rakkha hai

charāġh haath meñ ho to havā musībat hai
so mujh marīz-e-anā ko shifā musībat hai

charagh hath mein ho to hawa musibat hai

yaqīn kaise karūñgā gumāñ meñ rahtā huuñ
charāġh huuñ kisī andhe makāñ meñ rahtā huuñ

yaqin kaise karunga guman mein rahta hun

ham phir bhī apne chehre na dekheñ to kyā ilaaj
āñkheñ bhī haiñ charāġh bhī hai aa.inā bhī hai

mana ki zindagi se hamein kuchh mila bhi hai

bane jo shams-o-qamar nañg-e-āsmāñ nikle
jinheñ charāġh samajhte rahe dhuāñ nikle

bane jo shams-o-qamar nang-e-asman nikle

yahāñ charāġh se aage charāġh jaltā nahīñ
faqat gharāne ke pīchhe gharānā aatā hai

kisi ke hath kahan ye KHazana aata hai

na Dagmagā.e kabhī ham vafā ke raste meñ
charāġh ham ne jalā.e havā ke raste meñ

na Dagmagae kabhi hum wafa ke raste mein

ye kahnā haar na maanī kabhī añdheroñ se
bujhe charāġh to dil ko jalā liyā kahnā

ye kahna haar na mani kabhi andheron se

gesū ko naaz hai dil-e-raushan kī chaah par
parvāna ye charāġh hai mār-e-siyāh par

dil jal ke rah gae zaqan-e-rashk-e-mah par

apne diye ko chāñd batāne ke vāste
bastī kā har charāġh bujhānā paḌā hameñ

kya kya dilon ka KHauf chhupana paDa hamein

jo ho jā.egā parvāna charāġh-e-husn kā us ke
karegā naam raushan lau lagā.e jis kā jī chāhe

charāġh-e-yās-o-hasrat ham haiñ mahfil meñ hasīnoñ kī
jalā.e jis kā jī chāhe bujhā.e jis kā jī chāhe

Tags-Charagh