Tags-Charagh

sham-e-bazm-e-adab thā vo kal tak magar
aaj 'lāġhar' charāġh-e-sahar sā lage

ragoñ talak utar aa.ī hai zulmat-e-shab-e-ġham
so ab charāġh nahīñ dil jalānā bantā hai

DhūñDhte phiriye agar le ke charāġh
mujh sā āshiq jo kahīñ pā.iye aap

vo sard fāsla bas aaj kaTne vaalā thā
maiñ ik charāġh kī lau se lipaTne vaalā thā

ik charāġh-e-dil faqat raushan agar merā bhī hai
rahnumā merā bhī hai phir rāhbar merā bhī hai

vahī hai kāmil 'nazīr' is jā vahī hai raushan-dil ai azīzo
havā se duniyā kī jis ke dil kā na hove hargiz charāġh ThanDā

agar hai manzūr ye ki hove hamāre siine kā daaġh ThanDā
to aa lipaTiye gale se ai jaañ jhamak se kar jhap charāġh ThanDā

raaz na pūchho mustaqbil kā sher-o-suḳhan kī is mahfil kā
sāhab-e-fan zulmat meñ paḌe haiñ duur charāġh-e-fan jaltā hai

hamārī nākāmī-e-vafā ne zamāne kī khol dī haiñ āñkheñ
charāġh kab kā bujhā paḌā hai magar añdherā kahīñ nahīñ hai

huā jo ik dil kā daaġh raushan to ho ga.e kul charāġh raushan
ḳhayāl raushan dimāġh raushan bas ab añdherā kahīñ nahīñ hai

dayār-e-dil meñ nayā nayā sā charāġh koī jalā rahā hai
maiñ jis kī dastak kā muntazir thā mujhe vo lamha bulā rahā hai

charāġh donoñ kināroñ ke bujh ga.e 'sāġhar'
hamārī raah meñ haa.el lahar kā dariyā thā

parind shaam Dhale ghoñsloñ kī samt chale
charāġh jalte hī us ko bhī lauT aanā thā

tū vo hai husn meñ yaktā ki tajassus meñ tire
āsmāñ le ke charāġh-e-mah-e-tābāñ niklā

añdherī raat meñ sūraj kī justujū kī hai
havāoñ meñ bhī charāġh-e-nazar sameTā hai

dil-e-āgāh se kyā kyā hameñ ummīdeñ thiiñ
vo bhī qismat se charāġh-e-tah-e-dāmāñ niklā

charāġh jalte raheñge havā baġhaur ye sun
hunar pe tujh ko abhī dastgāh thoḌī hai

havā se dostī jis ko thā mashvara merā
usī charāġh kī lau se maiñ aaj Dar bhī gayā

havā bhī tez na thī aur charāġh mar bhī gayā
maiñ sāmne bhī rahā zehn se utar bhī gayā

charāġh-e-jāñ ko kahāñ tak bachā ke ham rakhte
havā bhī tez thī manzil bhī chal-chalāv kī thī