Tags-Charagh

tirī madad kā yahāñ tak hisāb denā paḌā
charāġh le ke mujhe āftāb denā paḌā

abr se aur dhuup se rishta hai ek sā mirā
aa.ine aur charāġh ke biich kā fāsla huuñ maiñ

aaj kī shab to bujhā rakkhe haiñ yādoñ ke charāġh
aaj kī shab mirī palkoñ pe charāġhāñ kyuuñ hai

vo raqs-e-sho.ala vo soz-o-gudāz-e-parvāna
jidhar charāġh haiñ raushan ajiib aalam hai

ġhurbat kī chāñdnī ne dikhā.e the rāste
ham ko kisī charāġh se koī gila na thā

maiñ barf kī chaTān huuñ tū garm-rau charāġh
mat pūchh mujh pe kyā hai tirī dastaras ki bas

janam janam ke andheroñ ko de rahā hai shikast
vo ik charāġh ki apne lahū se raushan hai

ye raushnī jo dekhte ho tum jagah jagah
ham ne ye sab charāġh havā meñ jalā.e the

hai irtikāz-e-zāt meñ vaqfa zarā sī der
TuuTā nahīñ hai rābta lau se charāġh kā

chāñd niklā nahīñ abhī lekin
kuchh sitāre charāġh-gāh meñ haiñ

añdherā 'hafīz' ho rahā hai
bujhtā hai charāġh zindagī kā

hijr kī rātoñ meñ 'manzar' mire kaam aa aa ke
le liyā mol charāġh-e-shab-e-tanhā.ī ne

charāġh-e-dair-o-haram jal ga.e magar ab bhī
jidhar nigāh uThāo udhar añdherā hai

ye tausan-e-umr garm-raftār
kahtā hai maiñ ab charāġh-pā huuñ

kabhī raushnī kī talab rahī kabhī hausloñ kī kamī rahī
maiñ charāġh ko tire naam ke na jalā sakā na bujhā sakā

'ishq' raushan thā vahāñ dīda-e-āhū se charāġh
maiñ jo yak raat gayā qais ke kāshāne meñ

agarche dil tirī manzil na ban sakā ai dost
magar charāġh-e-sar-e-rahguzār bhī to nahīñ

ajiib log haiñ dīvār-e-shab pe chalte haiñ
charāġh jeb meñ bekār rakkhā hotā hai

is añdhere meñ charāġh-e-ḳhvāb kī ḳhvāhish nahīñ
ye bhī kyā kam hai ki thoḌī der so jaatā huuñ maiñ

charāġh palkoñ pe 'āzar' kisī kī yādoñ kā
qasam ḳhudā kī jalā hī nahīñ hai tere ba.ad