Tags-Charagh

charāġh unhīñ kī visātat se jal rahā hai magar
kabhī havāoñ ko ye tund-ḳhū bhī dekhtā hai

sar-phire sab jam.a hoñ sab ke saroñ par ho charāġh
bas chale to ham bhī aisā jashn ik barpā kareñ

aao ab chal kar zarā ghar meñ jalāte haiñ charāġh
chādar-e-zulmat utarne ko hai so vāpas chalo

mazmūn parvāne ban ke aa.eñ
shabdez-e-qalam charāġh-pā hai

ab zarā sā fāslā rakh kar jalātā huuñ charāġh
tajraba ye haath aayā haath jal jaane ke ba.ad

bū-e-gul nāla-e-dil dūd-e-charāġh-e-mahfil
jo tirī bazm se niklā so pareshāñ niklā

kaise kahūñ ki maiñ ne kahāñ kā safar kiyā
ākāsh be-charāġh zamīñ be-libās thī

añdhere oḌhnā chāhe to badliyāñ chamkīñ
charāġh ujālnā chāhe to laakh hiile hue

havā ke haath pe chhāle haiñ aaj tak maujūd
mire charāġh kī lau meñ kamāl aisā thā

sau charāġh jal bujhe tīrgī na kam huī
mustaqil hijāb haiñ ratjagoñ ke darmiyāñ

abhī to āġhāz hai safar kā abhī añdhere bahut mileñge
tum apnī sham.eñ bachā ke rakkho charāġh ban kar maiñ jal rahā huuñ

mire ḳhayāl se jal jaate haiñ charāġh-e-sahar
ki tāq-e-shams-o-qamar par rakhī ga.ī huuñ maiñ

ghuTī ghuTī sī lagī raat anjuman kī fazā
charāġh jo bhī jalā kuchh bujhā bujhā sā lagā

dalīl-e-tābish-e-īmāñ hai kufr kā ehsās
charāġh shaam se pahle jalā nahīñ karte

umr bhar kī qismat kab itnā to Thahar jaatā
jitnā ek muflis ke ghar charāġh jaltā hai

siine kī ḳhānqāh meñ aane nahīñ diyā
ham ne use charāg jalāne nahīñ diyā

savāl kyuuñ na charāġh-e-sahar se kar dekheñ
junūn ab bhī hai kyā barqarār pahle sā

kabhī bhī jal nahīñ saktī haiñ uñgliyāñ 'mutrib'
har ik charāġh kī lau par hai saltanat merī

roz-e-siyāh hijr meñ mere jale charāġh
parvānoñ ko nasīb huā din visāl kā

raushan charāġh-e-ishq ne kī manzil-e-hayāt
varna vo tīrgī thī ki kuchh sūjhtā na thā