Tags-Charagh

vo charāġh-e-zīst ban kar raah meñ jaltā rahā
haath meñ vo haath le kar umr bhar chaltā rahā

kaisā dil kā charāġh kahāñ kā dil kā charāġh
tez havāoñ meñ sho.ala ḳhāshāk huā

phir charāġh-e-sutūn-e-dār bujhā
aaj phir maut Tal ga.ī shāyad

ḳhirad ke TuuTe hue sitāre 'adam' kahāñ tak charāġh bante
junūñ kī raushan ravish hai āḳhir diloñ ko raste dikhā rahī hai

maiñ havāoñ se hirāsāñ vo ghuTan se dil-girafta
maiñ charāġh tīrgī kā vo gulāb raushnī kā

charāġh-e-sub.h kī afsurdagī nahīñ tanhā
kahīñ qarīb yahīñ āftāb-e-shām bhī hai

charāġh-e-bazm-e-ḳhudā huā hai ḳhudā ne mahbūb use kahā hai
ye shaam se lau lagī hai dil ko ki dekhne us bashar ko chaliye

ḳhud āftāb mirī raah kā charāġh bane
magar ye baat mire chāñd ko gavārā nahīñ

jalegā ḳhud bhī sahar tak mujhe bhī lau degā
charāġh-e-shām koī baḳht kā sitārā nahīñ

baḌe ḳhulūs se māñgī thī raushnī kī duā
baḌhā kuchh aur añdherā charāġh jalne se

nāla-e-dil charāġh-e-raushan hai
koh-e-ātish-fashāñ kī hai ye lipaT

shab-charāġh kar mujh ko ai ḳhudā añdhere meñ
saañp ban ke Dastā hai rāsta añdhere meñ

Dar nahīñ majnūñ ko phirne kā shab-e-hijrāñ ke biich
haq meñ us ke dīda-e-āhū hue ban ban charāġh

aaj kī shab lutf hai sair-e-chaman ai andalīb
roġhan-e-gul se huā hai har gul-e-gulshan charāġh

tā-abad is ko nahīñ bād-e-muḳhālif se ḳhatar
hai hamāre haath par be-parda-e-dāman charāġh

jalva-gar fānūs-e-tan meñ hai hamārā man charāġh
be-batī aur tel ye hai roz o shab raushan charāġh

jab se hai raushan diloñ ke dil par 'hātim' kī nigāh
tab se raushan hai gā us ke dil kā be-roġhan charāġh

yak nazar us kī dil-e-mushtāq hai jin ne ki aaj
ek jalve meñ kiyā hai ḳhāna-e-darpan charāġh

rah-e-hayāt kī tārīkiyoñ meñ ai 'zāhid'
charāġh-e-dil hai mire paas raushnī ke liye

vo mohabbat pe ḳhaak Daal gayā
bujh gayā ik charāġh jalte hī