Tags-Chehra

sūrat-e-bād-e-sabā qāfila-e-yād aayā
zaḳhm-dar-zaḳhm khile phuul se mere dil meñ

bahut hī ḳhūbsūrat rāsta hai
jo sīdhā jā rahā hai rā.egāñ tak

dekhe jo tirī sūrat ho jaa.e hai dīvāna
hai aks se tujh ruḳh ke ā.īna parī-ḳhāna

chalo julūs kī sūrat meñ zindagī vaalo
zarā sī der meñ lamha guzarne vaalā hai

merā chehra kisī ujḌe hue ghar kī sūrat
aur dhuāñ bujhte charāġhoñ kā mirī āñkhoñ meñ

shāḳh par ubhre haiñ tābinda guloñ kī sūrat
jo sharāre ḳhas-o-ḳhāshāk se bāhar na hue

haiñ anāsir kī ye sūrat-bāziyāñ
sho.abde kyā kyā haiñ un chāroñ ke beach

koī tāmīr kī sūrat bhī nikal hī aatī
pahle is shahr ko barbād to kar lenā thā

us ke kūche meñ jo dekhegā karegā mujhe yaad
apnī sūrat kī maiñ tasvīr kiye jaatā huuñ

ḳhuub itnā thā ki dīvār pakaḌ kar niklā
us se milne ke liye sūrat-e-sāya gayā maiñ

ek aur shab kī raah meñ āñkheñ bichhā.iye
ye shab ba-sūrat-e-shab-e-rafta Dhalī Dhalī

huā huuñ chaurañg teġh-e-hasrat ki dafn kī hai mirī ye sūrat
kisī taraf ko hai dil kī turbat kahīñ hai turbat mire jigar kī

ik tahayyur meñ paḌā huuñ nahīñ miltā hai pata
chashm-e-be-ḳhvāb meñ ye sūrat-e-hasrat kyā hai

ab DhūñD ke laa.e koī aur aa.ina jis meñ
sūrat hameñ ik roz nazar aa.ī thī apnī

umr-bhar shefta-e-chashm-o-lab-e-yār rahā
kabhī sūrat rahī mujh ko kabhī bīmār rahā

vo shaam kī sūrat hai na vo rañg-e-sahar hai
kis kaukab-e-manhūs kā yārab ye asar hai

us ko bhalā kyūñkar chain aayā dil ko kyā kah kar samjhāyā
sūrat terī jis ne sitam-gar thaam ke apnā kalejā dekhī

yuuñ to in āñkhoñ se ham ne o but kahne ko duniyā dekhī
lekin saarī ḳhudā.ī bhar terī sūrat-e-yaktā dekhī

ḳhauf nā-fahmī-e-mardum se mujhe aatā hai
gaav ḳhar hone lage sūrat-e-insāñ paidā

dil ke ā.īne meñ kar jauhar-e-pinhāñ paidā
dar-o-dīvār se ho sūrat-e-jānāñ paidā