Tags-Chehra

hashr-zā uf vo suur kī āvāz
vo sarāfīl-o-sūr kī sūrat

aas us ke karam kī qahr kā Dar
jo ho rabb-e-ġhafūr kī sūrat

kyuuñ na ho jaan kā azaab ye jism
tañg zindāñ qubūr kī sūrat

ek hai ek kibriyā.ī meñ
uf vo us ke ġhurūr kī sūrat

baizavī chehra
be-sūrat

kisī sūrat jo puurī ho na paa.e
ham ik aisī tamannā kar rahe haiñ

tamām duniyā meñ DhūñD aayā maiñ gum-shuda zindagī kī sūrat
milī to mujh ko hayāt-e-muztar magar milī ajnabī kī sūrat

milā sar-e-rāh ḳhud se jab maiñ ajiib hī apnā haal dekhā
kisī kī āñkheñ kisī kā chehra nazar kisī kī kisī kī sūrat

barahna-sar ābla-gazīda shikasta-dil pairahan-darīda
maqām-e-sidra pe soch meñ huuñ koī hai parda-darī kī sūrat

ḳhabar tasavvur ḳhayāl īmāñ gumāñ yaqīñ fikr ilm hikmat
maqām-e-ḳhud-āgahī ke aage savād-e-kam-āgahī kī sūrat

na jaane kab se khaḌā thā 'sarvar' ik āstīn-e-umīd thāme
vo niklā ḳhud se hī ġhair-hāzir huī ajab hāzirī kī sūrat

ajiib dastūr-e-āshiqī hai na maiñ hī maiñ huuñ na tum hī tum ho
na dostī dostī kī sūrat na dushmanī dushmanī kī sūrat

ye sach hai duniyā meñ aur hoñge jamīl-o-ḳhush-rū hasīn-o-dilbar
pasand aa.ī magar hameñ to janāb-e-man aap kī hī sūrat

sabaq hai sīkhā ham ahl-e-dil ne ye ijz kī sar-bulandiyoñ se
ki ek sajda hai kaafī lekin ho bandagī bandagī kī sūrat

na pūchh mujh se ki maiñ kahāñ huuñ mujhe to kuchh bhī patā nahīñ hai
ki apnī sūrat meñ aa rahī hai nazar mujhe har kisī kī sūrat

mire dil kā alāvoñ aaj tak dekhā nahīñ jis ne
vo kyā jaane ki sho.ale sūrat-e-iz.hār kaise haiñ

apnī sūrat kī parteñ jab kholīñ to
apnī sūrat us ke jaisī niklī hai

aa gayā dil jo kahīñ aur hī sūrat hogī
log dekheñge tamāshā jo mohabbat hogī

aurat ek hayūlā sūrat
kabhī ajantā kī vo mūrat

phir aa.ī fasl-e-gul phir zaḳhm-e-dil rah rah ke pakte haiñ
magar dāġh-e-jigar par sūrat-e-lāla lahakte haiñ