Tags-Chehra

jāda-e-shahr-e-tasavvur ki rahā rishta-e-jāñ
sūrat-e-gard-e-pareshāñ hai ḳhabar-dār raho

bahte paanī meñ jo sūrat Thahre
mere hone kī zamānat Thahre

kahtā hai chārāgar ki na pā.egā indimāl
achchhā huā ki zaḳhm kī sūrat badal ga.ī

aur bhī jāgne vaale haiñ ḳhayāl aate haiñ
sochtā huuñ mirī sūrat kahīñ vo bhī uTh kar

bahut ghuTan hai koī sūrat-e-bayāñ nikle
agar sadā na uThe kam se kam fuġhāñ nikle

tujh se kam par kisī sūrat nahīñ raazī hotā
dil-e-nādāñ ne dikhā rakkhī hai hushyārī kyā

sūrat-e-yās se ā.īna-e-hairat ho kar
dekhte rah ga.e chehra vo tamannā.ī kā

paañv ke nīche koī shai hai zamīñ kī sūrat
chand din aur isī vahm kī tash.hīr kareñ

aur kuchh ho na sakā sūrat-e-darmāñ lekin
apnā dāman to sar-e-dīda-e-tar ham ne kiyā

ye sañg-e-nishāñ hai manzil-e-vahdat kā
paidā huā phir koī na us sūrat kā

har ik sūrat pe dhokā khā rahī haiñ terī sūrat kā
abhī aatā nahīñ nazroñ ko tā-hadd-e-nazar jaanā

jāgtā hai phir bhī āñkhoñ meñ hai manzar niiñd kā
ḳhvāb kī sūrat huuñ us ke har taraf phailā huā

baiTh kar baat kyuuñ nahīñ karte
koī sūrat nikal paḌe shāyad

kis tarah se tumhārī yādoñ ko
sūrat-e-ashk meñ bahā Dālūñ

sūrat aisī bigāḌ lī apnī
vo hameñ dekh leñ to Dar jaa.eñ

pal-bhar ke liye ārām nahīñ ab us ke sivā koī kaam nahīñ
tirī sūrat dekhā karte haiñ tujh ko ā.īna kahte haiñ

husn-e-maġhrūr o siyah-fām kā kaise ho ilaaj
shakl-o-sūrat to chuḌeloñ kī hai pariyoñ ke mizāj

āñgan āñgan zahr barsā.egī us kī chāñdnī
vo agar mahtāb kī sūrat ujāgar ho gayā

maiñ sang-e-tah-e-āb kī sūrat huuñ jahāñ meñ
aur vaqt bhī so.e hue sāgar kī tarah hai

mujh ko charāġh-e-shām kī sūrat jalā ke dekh
aa.e añdherī raat mujhe aazmā ke dekh