Tags-Chehra

sab ne zabāñ pe vird kī sūrat mere sher sajā.e haiñ
kaan lagā kar sun le har sū guuñj rahā hai naam mirā

mujhe shabnam kā ā.īna milā hai
isī meñ gul kī sūrat dekhtā huuñ

mirā siina hai chhalnī nai kī sūrat
inhīñ zaḳhmoñ se maiñ naġhma-sarā huuñ

ishq ko hai yahī ik sūrat-e-iz.hār nasīb
jo bhī kahnā hai kahe chāk-garebānī se

banda-e-ma.anī kahāñ sūrat kā bandā ho gayā
sochtā huuñ mujh ko kyā honā thā maiñ kyā ho gayā

pur-hāl huuñ pa sūrat-e-ahvāl kuchh nahīñ
hairat hai mere paas nazar kis ke paas hai

dil hamārā na toḌo ḳhudā-rā varna kho doge apnā sahārā
zarre zarre meñ is aa.ine ke tum ko apnī hī sūrat milegī

merī vahshat kā lahū chaaT chukī hai duniyā
ab tamāshā-e-ḳhirad sūrat-e-āzār lage

maiñ apne aap se bachhḌā to ḳhvāb sūrat thā
mirī talāsh meñ bhaTkī huī sadā.eñ thiiñ

āhaTeñ qadmoñ kī mohlat nahīñ detīñ varna
dekhte rahte haiñ raste bhī safar kī sūrat

aa ke nazdīk mire jalne kā manzar dekho
duur se sho.ala bhī lagtā hai sharar kī sūrat

dil jo sahrā ke sarāboñ se mirā uub gayā
yaad aa.ī mujhe bhūle hue ghar kī sūrat

roz utartā hai samundar meñ sunahrā sūraj
roz ban jaatī hai ik dīda-e-tar kī sūrat

azmat-e-shahar-e-anā shān-e-bashar kī sūrat
mere shānoñ pe koī hai mire sar kī sūrat

kaun se ahd meñ kholī haiñ ye āñkheñ ham ne
aib lagte haiñ 'suḳhan' sab ke hunar kī sūrat

kahīñ visāl kī sūrat agar dikhā.ī dī
nikal paḌūñgā na sham-e-sahar uThā kar maiñ

kisī sūrat ye nukta-chīniyāñ kuchh rañg to lā.īñ
chalo yuuñ hī sahī ab naam to mash.hūr hai merā

kyūñkar kabhī niklegī koī sulh kī sūrat
ik talḳhī-e-jazbāt idhar bhī hai udhar bhī

zindagii ho mirii parvaane kii suurat yaa-rab
ilm kii sham.a se ho mujh ko mohabbat yaa-rab

lab pe aatii hai du.aa ban ke tamannaa merii
zindagii sham.a kii suurat ho KHudaayaa merii!