Tags-Chehra

koī sūrat kitāb se nikle
yaad sūkhe gulāb se nikle

kāñch sī guḌiyoñ ke narm a.asāb par
sūrat-e-sañg-e-havas paḌtā huuñ maiñ

dekh rakkhī thī maut kī sūrat
aa.ina dekhtī to Dar jaatī

haram-o-dair se matlab na kalīsā se ġharaz
kaash ye bhī kahīñ hote tire ghar kī sūrat

is na.e daur kī tahzīb se allāh bachā.e
masḳh hotī nazar aatī hai bashar kī sūrat

apne chehre se jo zulfoñ ko haTāyā us ne
dekh lī shaam ne tābinda sahar kī sūrat

ḳhuub jī bhar ke rulā.eñ jo nazar meñ un kī
qīmtī hoñ mire aañsū bhī guhar kī sūrat

kyā koī us pe bhī uftād paḌī hai 'ātish'
abr barsā hai mire dīda-e-tar kī sūrat

zindagī guzrī mirī ḳhushk shajar kī sūrat
maiñ ne dekhī na kabhī barg-o-samar kī sūrat

nek a.amāl bhī auroñ ke nahīñ japte haiñ
aib apne nazar aate haiñ hunar kī sūrat

allāh re tasādum-e-hālāt-o-hādsāt
kī iḳhtiyār sañg ne sūrat sharār kī

sūrat-parast kab hue ma.anī se āshnā
aalam fareb-e-tūr kā afsāna ho gayā

achchhī sūrat kā huuñ maiñ dīvāna
ne mujhe huur ne parī kā ishq

mire sulūk kī sūrat badal nahīñ saktī
hazār zulm-o-sitam kar ke āzmāo mujhe

lauT pā.eñge kisī sūrat na vo
apne ghar se hī jo be-ghar ho ga.e

kitne dukh ke din biite haiñ is kā bhī thā hosh kahāñ
apne haal ko kuchh samjhā huuñ sūrat se ġham-ḳhvāroñ kī

ek maiñ kyā huuñ mahv-e-sūrat-e-sāf
hairatī aa.ine haiñ jitne haiñ

kuchh aur bhī hai ḳharābī kī dūsrī sūrat
maiñ ḳhud ko dekh rahā huuñ ḳharāb hote hue

safar meñ har qadam rah rah ke ye taklīf hī dete
bahar-sūrat hameñ in ābloñ ko phoḌ denā thā

āḳhirī rail thī aur tujh se achānak thā milāp
maiñ ajab sūrat-e-hālāt meñ aayā huā thā