Tags-Chehra

haa.e kyā log the zindāñ meñ bhī ham se pahle
ik din is yaad kī sūrat bhī bikhar aa.egī

duur tak ek ḳhalā hai so ḳhalā ke andar
sirf tanhā.ī kī sūrat hī nazar aa.egī

chaTak meñ ġhunche kī vo saut-e-jāñ-fazā to nahīñ
sunī hai pahle bhī āvāz ye kahīñ maiñ ne

aa.ina dekh ke ab pyaar sā aa jaatā hai
merī sūrat se numāyāñ ye kahīñ tum to nahīñ

kisī buzdil kī sūrat ghar se ye bāhar nikaltā hai
mirā ġhussa kisī kamzor ke uupar nikaltā hai

haiñ dil-e-dahr meñ ham sūrat-e-ummīd-e-nihāñ
misl-e-īmāñ ruḳh-e-hastī pe ayaañ rahte haiñ

raushnī ban ke sitāroñ meñ ravāñ rahte haiñ
jism-e-aflāk meñ ham sūrat-e-jāñ rahte haiñ

kār-e-duniyā kareñ kuchh adāvat to ho Tuk tabī.at badalne kī sūrat to ho
ham agar ḳhud se laḌte-jhagaḌte rahe zindagī ke anāsir bikhar jā.eñge

raal Tapkegī shaiḳh-sāhib kī
na dikhāo sharāb kī sūrat

ye jahāñ jis meñ sab atrāf tabāhī ke nishāñ
sūrat o shakl pe zaḳhmoñ kī tarah phaile haiñ

haram-o-dair ke jalvoñ se mujhe kyā matlab
shīsha-e-dil meñ utar aa.ī hai sūrat terī

jaane kyā baat hai jalvoñ meñ tire jān-e-jahāñ
yaad aatā hai ḳhudā dekh ke sūrat terī

na.e imkāñ ko sūrat de rahā huuñ
girā kar ḳhud dar-o-dīvār apne

tum to ḳhud sahrā kī sūrat bikhre bikhre lagte ho
'farruḳh' se 'farruḳh' ko socho kaise tum milvāoge

duā ye hai ki yā-rab mutma.in hoñ
ho ulfat meñ kasī sūrat se shar band

maiñ bahar-sūrat tirā karb-e-taġhāful sah gayā
ab mujhe is kā sila de sirf sharminda na ho

hai dam-e-murdan tasavvur ai but-e-zebā tirā
maut aa.egī to ban kar terī sūrat aa.egī

jaane kab kis ke sañvarne kā irāda jaage
is liye sūrat-e-ā.īna rahā huuñ maiñ bhī

talāsh kar unheñ ahrām-e-misr kī sūrat
haiñ dasht-e-dil meñ ka.ī maqbare mohabbat ke

vo hosh gosh kā insāñ hai phir bhī sahrā meñ
kisī divāne kī sūrat sadā lagātā hai